សម្ដេចហ៊ុន សែន នឹងវិលមកដល់កម្ពុជាវិញនារាត្រីថ្ងៃសុក្រ
សារព័ត៌មាន Cambodia News/
ដោយ៖ ហេង នាង/
ភ្នំពេញ (១៨ កុម្ភៈ ២០១៦) ៖ តាមការបង្ហោះសារលើបណ្ដាញសង្គមហ្វ៊េសប៊ុករបស់សម្ដេចនា កាលពីល្ងាចថ្ងៃទី១៧ កុម្ភៈ សម្ដេចនាយករដ្ឋមន្ត្រីហ៊ុន សែន ព្រមទាំងគណៈប្រតិភូអមដំណើរនឹងវិលត្រឡប់មកដល់លម្ពុជាវិញនៅយប់ ថ្ងៃសុក្រទី១៨ កុម្ភៈ បន្ទាប់ពីការធ្វើដំណើរជាង ២០ ម៉ោង។
ខណៈកំ ពុងធ្វើដំណើរសម្តេច ហ៊ុន សែន បានសរសេរសារថា ” ខ្ញុំចង់បញ្ជូនសារពីលើយន្តហោះ ខ្ញុំមិនដឹងថាយន្តហោះស្ថិតនៅតំបន់ណាទេ ក្នុងដំណើរពីព្រលានយន្តហោះ San Francisco ទៅព្រលានយន្តហោះហុងកុង ដែលប្រើរយៈពេលហោះជាង១២ម៉ោង ក្នុងចម្ងាយផ្លូវជាង១ម៉ឺនគីឡូម៉ែត្រ។ តាមផែនទីបង្ហាញផ្លូវហោះ ពេលខ្ញុំបង្ហោះនេះយើងកំពុងស្ថិតនៅលើសមុទ្រ”។
សារ របស់សម្តេចបានបន្តថា “បច្ចេកវិជ្ជាបច្ចុប្បន្នអនុញ្ញាត្តិឱ្យ យើងធ្វើការទំនាក់ទំនងគ្នាបានយ៉ាងងាយស្រួល។ សង្ឃឹមថាខ្លឹមសារនេះនិងបានដល់បងប្អូនជនរួមជាតិ ព្រោះខ្ញុំបានទំនាក់ទំនងជាមួយកូនខ្ញុំតាម Whatsapp!”។នេះជារូបភាពនៅក្នុងយន្តហោះ ដែលខ្ញុំថតមុនពេលខ្ញុំបង្ហោះចេញតាម Facebook របស់ខ្ញុំ។ យ៉ាងយូរម៉ោង១១យប់ ថ្ងៃព្រហ្បត្តិ៍ ទី១៨ កុម្ភះខ្ញុំនិងគណៈប្រតិភូនឹងទៅដល់មាតុភូមិជាទីស្រឡាញ់នៃយើង។
ជាមួយ គ្នានោះសម្តេចបានឆ្លៀតឱកាសអរគុណពីចម្ងាយដល់បងប្អូនជនរួមជាតិ ទាំងក្នុង និងក្រៅប្រទេសដែលបានជូនពរដល់សម្ដេច និងគណៈប្រតិភូកម្ពុជា ក្នុងរយះពេលនៃការចូលរួមប្រជុំពិសេសថ្នាក់ដឹកនាំអាស៊ាន និងសហរដ្ឋអាមេរិក។
សម្ដេចបានឲ្យដឹងទៀតថា “ខ្ញុំសូមកោតសរសើរ ចំពោះបងប្អូនជនរួមជាតិ ពិសេសក្មួយៗយុវជនដែលបានតាមដានដោយយកចិត្តទុកដាក់ចំពោះការវិវត្តន៌ នៃកិច្ចប្រជុំនេះ ដែលនេះបង្ហាញដោយមោទនៈភាពថា ប្រជាជនយើងចាត់ទុកកិច្ចការក្នុងប្រទេស និងក្រៅប្រទេសជាកិច្ចការដែលខ្លួនត្រូវដឹងក្នុងនាមជាម្ចាស់ឆ្នោត និងម្ចាស់ប្រទេស”៕
