សេវាធើ្វស្លាកម៉ូតូតាមច្រកចេញចូលតែមួយបញ្ជុះតម្លៃមកសល់ត្រឹមតែ ៤០០០០ រៀល
សារព័ត៌មាន Cambodia News/
ដោយ៖ ហេង នាង/
ភ្នំពេញ(០២ កុម្ភៈ ២០១៦) ៖ ចាប់ពីថ្ងៃទី០១ ខែកុម្ភៈ ឆ្នាំ២០១៦នេះតទៅសេវាធើ្វស្លាកម៉ូតូតាមច្រកចេញចូលតែមួយ ត្រូវបានបញ្ជុះតម្លៃពី ៧៨០០០ រៀល មកសល់ត្រឹមតែ ៤០០០០ រៀល។ នេះបើយោងតាម Facebook ផ្លូវការរបស់សាលារាជធានីភ្នំពេញ។ តាមរយៈនេះ សូមឲ្យប្រជាពលរដ្ឋ ទូទាំងប្រទេសប្រញាប់រួសរាន់ទៅធ្វើឲ្យបានគ្រប់គ្នា។
ការស្នើសុំធ្វើស្លាកលេខទោចក្រយាន្តយន្ត(ម៉ូតូ) នៅការិយាល័យច្រកចេញចូលតែមួយ នៃខណ្ឌសែនសុខបានបន្ថយ តម្លៃពី ៧៨.០០០រៀល រយៈពេល ៣០ថ្ងៃ មកត្រឹមតែតម្លៃ ៤០.០០០រៀល រយៈពេល ១០ថ្ងៃប៉ុណ្ណោះក្នុង មួយស្លាកលេខ ដោយអនុវត្តចាប់ពីថ្ងៃទី០១ ខែកុម្ភៈ ឆ្នាំ២០១៦នេះតទៅ។
នេះបើយោងតាមប្រកាសរួមលេខ ០១០ សហវ.ប្រក ចុះថ្ងៃទី២១ ខែមករា ឆ្នាំ២០១៦ របស់ក្រសួងសេដ្ឋកិច្ច និងហិរញវត្ថុ ស្តីពីការផ្តល់សេវាសាធារណៈ និងដឹកជញ្ជូន ។ អាស្រ័យហេតុនេះ សូម បងប្អូនប្រជាពលរដ្ឋ ជ្រាបជាព័ត៌មាន និងចូលរួមផ្សព្វផ្សាយអោយបានទូលំទូលាយ ៕
