ទទួលទានគ្រឿងស្រវឹងកំរិតណាទើបមិនរួចពីការផាកពិន័យ?
សារព័ត៌មាន Cambodia News/
ការឃាត់ខ្លួនអ្នកបើកបរក្រោមឥទ្ធិពល ជាតិស្រវឹងតាំងពីថ្ងៃចាប់ផ្តើម អនុវត្តរហូតមកដល់ពេលនេះ គឺប្រមាណជា៣០នាក់ហើយ។ អ្នកដែលត្រូវបានសមត្ថកិច្ចឃាត់ខ្លួន ត្រូវតែតម្កល់ប្រាក់ទុក។ ចំពោះអ្នកបើកបររថយន្តត្រួវតម្កល់ប្រាក់ ១,០០០ដុល្លារ ដោយឡែកអ្នកបើកបរម៉ូតូត្រូវតម្កល់ប្រាក់ ២០០ដុល្លារ។
នេះ បើតាមការប្រាប់ឲ្យដឹងដល់វិទ្យុវាយោ ពីលោក រុន រ័ត្នវាសនាប្រធាននាយកដ្ឋានគរបាលចរាចរណ៍ និងសណ្តាប់ធ្នាប់សាធារណៈ កាលពីល្ងាចថ្ងៃទី២៦ ខែមករា ឆ្នាំ២០១៦។
លោក រុន រ័ត្នវាសនាបានបន្តទៀតថា ជនណាដែលបើកបរយានយន្ត នៅពេលដែលខ្លួនស្ថិតក្នុងភាពស្រវឹង ដោយមានជាតិអាល់កុលចាប់ពី ០,៤០ (សូន្យក្បៀសសែសិប)មីលីក្រាមក្នុងមួយលីត្រខ្យល់ឬចាប់ពី០,៨០( សូន្យក្បៀសប៉ែតសិប)ក្រាមក្នុងមួយលីត្រឈាមឡើងទៅ ត្រូវផ្ដន្ទាទោសដាក់ពន្ធនាគារពី១ខែទៅ ៦ខែ ប៉ុន្តែតុលាការយល់ថា អ្នកបើកបរទាំងនោះមិនទាន់បង្កជាបញ្ហាគ្រោះថ្នាក់ផ្សេងៗនោះទេគឺ គ្រាន់តែឲ្យពួកគាត់តម្កល់ជាប្រាក់ តែនៅរង់ចាំការកាត់ក្តីពីតុលាការ។ ក្នុងករណីនេះសមត្ថកិច្ចមិនមាន សិទ្ធិផាកទេគ្រាន់តែឲ្យតុលាការជាអ្នកចាត់ការតាមច្បាប់ព្រោះជា សមត្ថកិច្ចរបស់តុលាការ៕
