គ្រោះថ្នាក់ចរាចរណ៍ថ្ងៃទី២០ មករា ស្លាប់ ១១នាក់ របួសធ្ងន់ស្រាល ៣៦នាក់
សារព័ត៌មាន Cambodia News/
ភ្នំពេញ (២១ មករា ២០១៦) ៖ នៅថ្ងៃទី២០ ខែមករា ឆ្នាំ២០១៦នេះ មានគ្រោះថ្នាក់ចរាចរណ៍នៅទូទាំងប្រទេសចំនួន ១២លើក ( យប់ ៦លើក ) បណ្តាលឲ្យមនុស្សស្លាប់ ១១នាក់ ( ស្រី ២នាក់ ) របួសធ្ងន់ ១៧នាក់ (ស្រី ៣នាក់) របួសស្រាល ១៩នាក់ ( ស្រី ៩នាក់ ) និងមិនពាក់មួកពេលគ្រោះថ្នាក់មាន ១៥នាក់ ( យប់ ១២នាក់)។
ក្នុងគ្រោះថ្នាក់ចរាចរណ៍ទាំង ១២លើកនេះ បានបង្កឲ្យខូចខាតយានយន្តសរុប ២៣គ្រឿង ក្នុងនោះមានម៉ូតូចំនួន ១២គ្រឿង រថយន្តធុនតូច ៥គ្រឿង រថយន្តធុនធំ ៤គ្រឿង យានផ្សេងៗ ២គ្រឿងផងដែរ។
មូលហេតុដែលបណ្តាលឲ្យមានគ្រោះថ្នាក់ល្មើសល្បឿន ៣លើក មិនគោរពសិទ្ធ ១លើក មិនប្រកាន់ស្តាំ ១លើក ប្រជែងគ្រោះថ្នាក់ ៣លើក បត់គ្រោះថ្នាក់ ៣លើក ដោយឡែកយានល្មើសសរុបទូទាំងប្រទេសមាន ៨៨៤៩គ្រឿង បានធ្វើការអប់រំមាន ៤៣៥១គ្រឿង និងពិន័យសរុប ៤៤៩៨គ្រឿង និងពុំមានឃាត់យានទុកនោះទេ៕ ប្រភព អគ្គស្នងការដ្ឋាននគរបាលជាតិ
