UNESSCO បញ្ចូលល្បែងទាញព្រ័ត្រក្នុងបញ្ជីបេតិកភណ្ឌវប្បធម៌ នៃមនុស្សជាតិ
សារព័ត៌មាន Cambodia News/
ភ្នំពេញ (២១ មករា ២០១៦) ៖ នៅព្រឹក ថ្ងៃទី ២១ មករា នេះ តំណាងអង្គការ UNESCO (យូណេស្កូ) បានប្រគល់វិញ្ញាបនប័ត្រទទួលស្គាល់ ការ បញ្ចូលល្បែងទាញព្រ័ត្រ ក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិ ដល់ប្រទេសកម្ពុជា។
ពិធីប្រគល់និងទទួលវិញ្ញាបនបត្រ នេះ ត្រូវបានធ្វើឡើងនៅ សារមន្ទីរជាតិ ក្រោមអធិបតីភាព លោកឧបនាយករដ្ឋមន្ត្រី សុខ អាន រដ្ឋមន្ត្រីទីស្តីការគណៈរដ្ឋមន្ត្រី តំណាងសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។
សូមបញ្ជាក់ថា តាំងពីឆ្នាំ២០១៣ មានប្រទេស៤ គឺប្រទេសកម្ពុជា កូរ៉េខាងត្បូង វៀតណាម និងហ្វ៊ីលីពីន ដែលមានល្បែងទាញព្រ័ត្រនេះ បានផ្តួចផ្តើមរៀបចំឯកសារដាក់ស្នើចុះបញ្ចូលល្បែង ទាញព្រ័ត្រក្នុងបញ្ជីបេតិកភណ្ឌអរូបីនៃមនុស្សជាតិ ហើយគណៈកម្មការអន្តរជាតិ របស់ UNESCO បានសម្រេចយល់ព្រមទទួលស្គាល់ការចុះបញ្ជីនេះ កាលពី ថ្ងៃទី២ ធ្នូ ឆ្នាំ២០១៥ ៕
