សាលាក្រុងជំរុញការធ្វើអត្តសញ្ញាណប័ណ្ណឲ្យបានមុនពេលចុះឈ្មោះបោះឆ្នោត
សារព័ត៌មាន Cambodia News
ភ្នំពេញ (១២ ធ្នូ ២០១៥) ៖ នៅរសៀលថ្ងៃទី១១ ខែធ្នូ ឆ្នាំ២០១៥នេះ សាលារាជធានីភ្នំពេញ បានជួបប្រជុំជាមួយលោកម៉ៅ ច័ន្ទតារា អគ្គនាយក នៃអគ្គនាយកដ្ឋានអត្តសញ្ញាណកម្ម និងអាជ្ញាធរគ្រប់ខណ្ឌ ដើម្បីដោះស្រាយចំណុចខ្វះខាតនានា និងជំរុញការធ្វើអត្តសញ្ញាណប័ណ្ណជូនដល់ប្រជាពលរដ្ឋក្នុងរាជធានីភ្នំពេញឲ្យ បានល្អប្រសើរ និងទាន់ពេលវេលាមុនពេលចុះឈ្មោះបោះឆ្នោត។
លោកប៉ា សុជាតិវង្ស បានបញ្ជាក់ថា ក្នុងនោះការយឺតយ៉ាវមួយចំនួន នឹងត្រូវបានកាត់បន្ថយ បន្ទាប់ពីអគ្គនាយកដ្ឋានផ្តល់ម៉ាស៊ីនបន្ថែមទៅតាមបណ្ដាសង្កាត់នីមួយៗចំនួន ១គ្រឿង។
គួរបញ្ជាក់ផងដែរថា ការអនុវត្តប្រតិបត្តិការផ្តល់ អត្តសញ្ញាណ ប័ណ្ណសញ្ជាតិខ្មែរគំរូថ្មីនៅក្នុងរាជធានីភ្នំពេញយើងរហូតដល់បច្ចុប្បន្ននេះ សម្រេចបានចំនួន ៤៥៧.៦២៥ទិន្នន័យ/នាក់ លើចំនួនសរុប ៩៦០.៣៩៦នាក់។ ដូច្នេះក្នុងរាជធានីភ្នំពេញយើង នៅសល់ប្រមាណជា ៥០២.៧៧១ទិន្នន័យ/នាក់ទៀត៕
