តួកគីអះអាងថាជនស៊ីវិលស៊ីរី២០០នាក់ស្លាប់ដោយសារការវាយប្រហាររបស់រុស្ស៊ី
សារព័ត៌មាន Cambodia News/
តួកគី (២២ ធ្នូ ២០១៥) ៖ រដ្ឋមន្ត្រីក្រសួងការបរទេសតួកគីលោក Mevlut Cavusogluបាននិយាយ ថា ជនស៊ីវិលប្រមាណ២០០នាក់បានស្លាប់បាត់បង់ជីវិត ដោយសារការវាយប្រហារតាមជើងអាកាសរបស់រុស្ស៊ីកាលពីថ្ងៃទី២០ធ្នូ។
លោកMevlut Cavusogluបានអះអាងថា ការវាយប្រហារតាមជើងអាកាសរបស់រុស្ស៊ីនៅស៊ីរី បានស្លាប់ជនស៊ីវិលកាន់តែច្រើនឡើងៗ។
លោកCavusogluបញ្ជាក់បន្ថែមថា លោកចង់ឱ្យពិភពលោកដឹងថា មានជនស៊ីវិលស៊ីរីជាច្រើននាក់ក្នុងនោះមានកុមារដែរ បានស្លាប់ជាបន្តបន្ទាប់ដោយសារការវាយប្រហាររបស់រុស្ស៊ី។
គួរបញ្ជាក់ថា រុស្ស៊ីចាប់ផ្ដើមវាយប្រហារតាមជើងអាកាសនៅស៊ីរីតាំងពីថ្ងៃទី៣០កញ្ញា ដើម្បីគាំទ្រលោកប្រធានាធិបតីស៊ីរីអាសាដ។ កន្លងមករុស្ស៊ីបានអះអាងថា ខ្លួនបានវាយប្រហារតាមជើងអាកាសនៅស៊ីរី ដើម្បីប្រឆាំងក្រុមអ៊ីស្លាមIS៕
