ព្រះសង្ឃ ២២អង្គរាគក្អួតចង្អោសង្ស័យថាពុលផ្លែឪឡឹកនៅខេត្តបាត់ដំបង
សារព័តមាន Cambodia News/
បាត់ដំបង (២២ ធ្នូ ២០១៥) ៖ កាលពីថ្ងៃទី២១ ខែធ្នូ ឆ្នាំ២០១៥ មានករណីពុលចំណីអាហារ (ផ្លែឪឡឹកទុំ) នៅចំណុចវត្តទីឃវនារាម ហៅវត្តកូនខ្លុង ស្ថិតក្នុងភូមិព្រៃដំរីឃុំព្រៃតូច ស្រុកមោងឬស្សី ខេត្តបាត់ ដំបង។ នេះបើយោងតាមគេហៈទំព័ររបស់អគ្គស្នងការនគរបាលជាតិ
មុនថ្ងៃកើតហេតុ មានដូនជីតាជី ជាច្រើននាក់ដែលមានសទ្ធាជ្រះថ្លាក្នុងវិស័យព្រះពុទ្ទសាសនា បានទិញផ្លែឪឡឹកទុំពីផ្សារខ្លះ គោយន្តដឹកលក់ខ្លះ និងតាមឡានដឹកលក់ខ្លះ យកទៅប្រគេនព្រះសង្ឃ ដែលគង់នៅវត្តទីឃវនារាម ហៅវត្តកូនខ្លុង យកទៅឆាន់។
លុះដល់វេលាម៉ោង ១៧និង២០នាទី ខណៈដែលលោកសង្ឃចំនួន ២២អង្គ បានឆាន់ផ្លែឪឡឹកទុំរួច ស្រាប់តែមានអាការះរាគក្អួតជាបន្តបន្ទាប់ ដែលសង្ស័យថាពុលផ្លែឪឡឹកទុំក្នុងនោះព្រះសង្ឃ ១៦អង្គ បានធូស្រាល និង០៦អង្គ មានសភាពធ្ងន់ធ្ងរកំពុងសម្រាកព្យាបាល៕
