ភាពយន្តខ្មែរ នឹងចាក់បញ្ចាំងជាផ្លូវការចាប់ពីថ្ងៃទី ១ ខែមករាឆ្នាំ ២០១៦នេះទៅ
សារព័ត៌មាន Cambodia News/
ភ្នំពេញ (២១ ធ្នូ ២០១៥) ៖ ថ្លែងក្នុងសិក្ខាសាលា ស្តីពីខ្សែភាពយន្តភាគចិននៅថ្ងៃទី២១ ធ្នូនេះ ឯកឧត្តម ខៀវ កាញ៉ារីទ្ធ រដ្ឋមន្ត្រីក្រសួងព័ត៌មានបានប្រកាសជាថ្មីថា រឿងភាគនិងវណ្ណកម្មខ្មែរ នឹងចាក់បញ្ចាំងជាផ្លូវការចន្លោះម៉ោង ៧ ដល់ម៉ោង ៩ យប់ចាប់ពីថ្ងៃទី ១ ខែមករាឆ្នាំ ២០១៦នេះទៅ។
ឯកឧត្តម ខៀវ កាញ៉ារីទ្ធ បានបញ្ជាក់ថា រឿងភាគខ្មែរដែលចាក់បញ្ចាំងនោះ គឺផលិតដោយខ្មែរ និងមានតួខ្មែរជាអ្នកចូលរួម សម្តែង ហើយក្រសួងក៏អនុញ្ញាតចំពោះរឿងភាគខ្មែរដែលថតដោយជនបរទេស និងមានតួខ្មែរជាអ្នកសម្តែងផងដែរ៕
