សម្តេច ស ខេង ៖ ប៉ូលិសចរាចរណ៍ណាហ៊ានផាកពិន័យមន្ត្រីនឹងត្រូវដំឡើងស័ក្តិ
សារព័ត៌មាន Cambodia News/
ភ្នំពេញ (២១ ធ្នូ ២០១៥) ៖ ក្នុងពិធីប្រជុំប្រកាសសមាសភាពគណៈកម្មាធិការជាតិសុវត្ថិភាពចរាចរណ៍ផ្លូវគោកកាលពីថ្មីៗនេះ សម្តេច ស ខេង រដ្ឋមន្ត្រីក្រសួងមហាផ្ទៃបានប្រកាសផ្តល់ប្រាក់លើកទឹកចិត្តចំនួន ៤០០០ រៀលក្នុងមួយថ្ងៃដល់ប៉ូលិសចរាចរណ៍ម្នាក់ និងដំឡើងឋានន្តរស័ក្តិដល់ប៉ូលិសចរាចរណ៍ណាដែលហ៊ានធ្វើការផាកពិន័យមន្ត្រីជាន់ខ្ពស់ដែលល្មើសនឹងច្បាប់ចរាចរណ៍។
ការប្រកាសនេះ ខណៈដែលអត្រាអ្នកស្លាប់ដោយសារគ្រោះថ្នាក់ចរាចរណ៍ផ្លូវគោកនៅក្នុងឆ្នាំ ២០១៥ នេះមានការកើនឡើង ៥ ភាគរយបើធៀបនឹងឆ្នាំចាស់ដោយមានមនុស្សស្លាប់រហូតដល់ជិត ២៣០០ នាក់។
នេះបើយោងតាមរបាយការណ៍បូកសរុបសភាពការណ៍គ្រោះថ្នាក់ និងលទ្ធផលការងារចរាចរណ៍ផ្លូវគោកឆ្នាំ ២០១៥ របស់ អគ្គស្នងការរងនគរបាលជាតិ។
ជាមួយគ្នានោះ សម្តេច ស ខេង បានក្រើនរំឭកឲ្យប៉ូលិសចរាចរណ៍ទាំងអស់បង្កើនការយកចិត្តទុកដាក់លើបញ្ហាចរាចរណ៍ព្រោះកន្លងមកលោកសង្កេតឃើញថាមានរាជធានី-ខេត្តចំនួន ១៥ ប៉ុណ្ណោះដែលបានអនុវត្តការងារបានល្អ៕ ដោយ៖ ហេង នាង
