ហ្វីលីពីនរងគ្រោះដោយសារព្យុះត្រូពិចថ្មីមួយទៀតបន្ទាប់ពីព្យុះទីហ្វុង
សារព័ត៌មាន Cambodia News/
ហ្វីលីពីន (១៨ ធ្នូ ២០១៥) ៖ ព្យុះត្រូពិចថ្មីមួយទៀតបានគំរាមកំហែងនៅភាគខាងត្បូងប្រទេសហ្វីលីពីន ដោយបង្កឲ្យមានភ្លៀងធ្លាក់យ៉ាងខ្លាំងនៅថ្ងៃទី១៨ធ្នូនេះ។ ព្យុះនេះបានកើតឡើងខណៈដែលប្រជាជននៅភាគខាងជើងប្រទេសកំពុងតែរងគ្រោះដោយសារព្យុះទីហ្វុងMelor។
នេះបើតាមការបញ្ជាក់ពីអាជ្ញាធរ។ ព្យុះត្រូពិចថ្មីនេះមានឈ្មោះថាOnyok បានបោកបក់ឆ្ពោះទៅភាគខាងត្បូងប្រទេស ស្របពេលដែលព្យុះទីហ្វុងMelorបោកបក់ចេញទៅសមុទ្រចិនខាងត្បូង ក្រោយសម្លាប់មនុស្សយ៉ាងហោចណាស់២០នាក់។
សូមបញ្ជាក់ថា ព្យុះMelorក្រៅពីសម្លាប់មនុស្ស ក៏បានធ្វើឲ្យប្រជាជនជម្លៀសចេញពីលំនៅស្ថានរាប់សែននាក់ផងដែរ៕
