សម្ដេច ហ៊ុន សែន ៖ មុខសញ្ញា ធ្វើសកម្មភាពប្លន់កន្លងមក គឺទើបចេញពីគុក
សារព័ត៌មាន Cambodia News/
ភ្នំពេញ (១៤ ធ្នូ ២០១៥) ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបញ្ជាក់ថា តាមរបាយការណ៍ដែលបានបង្ហាញឃើញថា មុខសញ្ញាដែលធ្លាប់ធ្វើសកម្មភាពប្លន់កន្លងទៅនេះ គឺទើបចេញពីគុក ហើយសម្តចតេជោបានព្រមានក្រសួងមហាផ្ទៃ និងរដ្ឋមន្រ្តីក្រសួងយុត្តិធម៌ថា ត្រូវពិនិត្យមើលបញ្ហានេះ។
ជាមួយគ្នានោះសម្តេចក៏បានលើកពីករណី ពុលអាហារ និងស្រា-ស ដែលបានកើតឡើងថ្មីៗនេះនៅខេត្តក្រចេះ សម្តេចស្នើសុំឲ្យប្រជាពលរដ្ឋយកចិត្តទុកដាក់អំពីចំណីអាហារដែលទាមទារឲ្យប្រជាពលរដ្ឋខ្លួនឯង ត្រូវយកចិត្តទុក្ខដាក់ ជួយដាស់តឿនគ្នាដើម្បីចៀសវាងរងគ្រោះ។
ការថ្លែងបែបនេះធ្វើឡើង ក្នុងឱកាសសម្តេចតេជោ ហ៊ុន សែន អញ្ជើញជាអធិបតីភាពដ៏ខ្ពង់ខ្ពស់ នៅក្នុង “ពិធីផ្សព្វផ្សាយការបញ្ជ្រាបទស្សនទាន សីលធម៌ សាសនា ដើម្បីសុដុមនីយកម្មនៅកម្ពុជា” ដែលប្រព្រឹត្តទៅនៅមជ្ឈមណ្ឌលពិព័រណ៍ និងសន្និបាតកោះពេជ្រ នៅព្រឹកថ្ងៃទី ១៤ ខែ ធ្នូ ឆ្នាំ ២០១៥ នេះ៕
