គ្រោះថ្នាក់ចរាចរថ្ងៃទី១២ ខែធ្នូ ស្លាប់ ៦នាក់របួសធ្ងន់ស្រាល ១១នាក់
សារព័ត៌មាន Cambodia News/
ភ្នំពេញ (១៤ ធ្នូ ២០១៥) ៖ គ្រោះថ្នាក់ចរាចរណ៍នៅទូទាំងប្រទេសនៅថ្ងៃទី១២ ខែធ្នូ ឆ្នាំ២០១៥ មានចំនួន៩លើក(យប់៤លើក)មនុស្សស្លាប់៦នាក់,របួសធ្ងន់៨នាក់និងស្រាល៣នាក់។ នេះបើយោងតាមរបាយការណ៍របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ។
ប្រភពព័ត៌មានដដែលបញ្ជាក់ថា ក្នុងគ្រោះថ្នាក់ចរាចរណ៍ទាំង៩លើកនេះ បានបង្កឲ្យខូចខាតម៉ូតូចំនួន៨គ្រឿង រថយន្តធុនតូច២គ្រឿង រថយន្តធុនធំ១គ្រឿង។មូលហេតុនៃគ្រោះថ្នាក់រួមមានល្មើសល្បឿន៤លើក,មិនប្រកាន់ស្តាំ១លើក,បត់គ្រោះថ្នាក់២លើក,មិនគោរពសិទ្ធិ១លើក ក្នុងនោះអ្នកមិនពាក់មួក ពេលគ្រោះថ្នាក់មាន ៧នាក់(យប់១នាក់) ។
សមត្ថកិច្ចចរាចរណ៍បានផាកពិន័យ រថយន្តសរុបចំនួន១.៨៥៧គ្រឿង រថយន្តធំ៩៣៧គ្រឿង ស្មើនឹង១.៨៧៦ករណី ល្មើសក្រដាសស្នាមមាន ១.០២៧គ្រឿង ស្មើនឹង ១.០៤១ករណី ចំពោះករណីល្មើសបច្ចេកទេស ៨២៧គ្រឿង ស្មើនឹង ៨៣៥ករណី ដោយឡែកម៉ូតូ ត្រូវបានពិន័យសរុបចំនួន ១.១៤៩គ្រឿង៕
