អគ្គិសនីកម្ពុជាប្រកាសផ្អាកការផ្គត់ផ្គង់ភ្លើងនៅតំបន់មួយចំនួនរយៈពេល៤ថ្ងៃ
សារព័ត៌មាន Cambodia News/
ភ្នំពេញ (២៨ វិច្ចិកា ២០១៤) ៖ អគ្គិសនីកម្ពុជាប្រកាសផ្អាកការផ្គត់ផ្គង់អគ្គិសនីនៅតំបន់មួយចំនួននៅរាជធានីភ្នំពេញនិងខេត្ដកណ្ដាលជាបន្ដបន្ទាប់រយៈពេល៤ថ្ងៃ ដើម្បីជួសជុលផ្លាស់ប្ដូរបរិក្ខារ និងរុះរើខ្សែបណ្ដាញដែលប៉ះដល់ការពង្រីកផ្លូវ។
សេចក្ដីជូនដំណឹងរបស់អគ្គិសនីកម្ពុជាបានឲ្យដឹងថា នៅថ្ងៃព្រហស្បតិ៍ទី២៧ ខែវិច្ឆិកា ឆ្នាំ២០១៤ ចាប់ពីម៉ោង៩:០០ព្រឹក ដល់ម៉ោង១៤:០០រសៀល ផ្អាកការផ្គត់ផ្គង់អគ្គិសនីនៅតំបន់ភ្លើងលេខ ប.ត ១៨០ តាមបណ្ដោយផ្ឡូវលេខ២៥០ ក្នុងសង្កាត់បឹងព្រលិត ខណ្ខ៧មករា សង្កាត់ចាក់អង្រែក្រោម ខណ្ខមានជ័យ និងតំបន់មួយចំនួនទៀតដែលស្ថិតនៅតាមបណ្ដោយផ្លូវជាតិលេខ២គឺដូចជា ភូមិបឹងឈូក ភូមិតាង៉ូវ ក្នុងសង្កាត់និរោធ ខណ្ខច្បារអំពៅ ហើយតំបន់ដែលស្ថិតនៅតាមបណ្ដោយផ្លូវជាតិលេខ៤ ចាប់ពីភូមិព្រៃបឹង ឃុំបែកចាន រហូតដល់ភូមិថ្នល់ទទឹង ឃុំដំណាក់អំពិល ក្នុងស្រុកអង្គស្នួល ខេត្ដកណ្ដាល។
សេចក្ដីជូនដំណឹងរបស់អគ្គិសនីកម្ពុជាឲ្យដឹងទៀតថា នៅថ្ងៃ ស្រុក ទី២៨ ខែវិច្ឆិកា ឆ្នាំ២០១៤ ផ្អាកការផ្គត់ផ្គង់អគ្គិសនីចាប់ពីម៉ោង៩:០០ដល់ម៉ោង១៧:០០ នៅតំបន់ភ្លើងលេខ ប.ត០៨៣ នៅតាមបណ្តោយផ្លូវលេខ៥១ ក្នុងសង្កាត់បឹងរាំង ខណ្ខដូនពេញ តំបន់ភ្លើងលេខ ប.ត៣២៩ នៅតាមបណ្តោយផ្លូវលេខ២ ស្ថិតនៅក្នុងសង្កាត់ចាក់អង្រែក្រោម ខណ្ខមានជ័យ និងមានខណ្ខមួយចំនួនទៀតដែលស្ថិតនៅក្នុងភូមិព្រៃព្រីង ភូមិត្រពាំងពោធិ សង្កាត់ចោមចៅ ខណ្ខពោធិ៍សែនជ័យ និងនៅតាមបណ្ដោយផ្លូវជាតិលេខ២១ ចាប់ពីសង្កាត់តាខ្មៅ រហូតដល់ភូមិទួលក្រសាំង ក្នុងឃុំរកាខ្ពស់ ស្រុកស្អាង ខេត្ដកណ្ដាល។
ហើយនៅថ្ងៃសៅរ៍ ទី២៩ ខែវិច្ឆិកា ឆ្នាំ២០១៤ នឹងផ្អាកការផ្គត់ផ្គង់អគ្គិសនីចាប់ពីម៉ោង៩:០០ ដល់ម៉ោង១៦:០០ នៅតំបន់ភ្លើងលេខប.ត០៨៣ នៅតាមបណ្តោយផ្លូវលេខប.ត២៧០ នៅតាមបណ្ដោយមហាវិថីព្រះស៊ីសុវត្ថិ សង្កាត់វត្ដភ្នំ ខណ្ខដូនពេញ និងតំបន់មួយចំនួនទៀតស្ថិតភូមិ ព្រៃទា សង្កាត់ចោមចៅ ភូមិចាក់ជ្រូក សង្កាត់សំរោងក្រោម ភូមិត្រពាំងជ្រៃ សង្កាត់កាកាប ភូមិត្រពាំងទា សង្កាត់ សង្កាត់ត្រពាំងក្រសាំង ខណ្ខពោធិ៍សែនជ័យ រាជធានីភ្នំពេញ។
នៅថ្ងៃអាទិត្យ ទី៣០ ខែវិច្ឆិកា ឆ្នាំ២០១៤ នឹងផ្អាកការផ្គត់ផ្គង់អគ្គិសនីចាប់ពីម៉ោង៩:០០ដល់ម៉ោង ១៦:០០ នៅតំបន់ភ្លើងលេខ ប.ត៧៣២ នៅតាមបណ្តោយមហាវិថីព្រះនរោត្ដម សង្កាត់ផ្សារថ្មី៣ ខណ្ខដូនពេញ និងតាមតំបន់មួយចំនួនទៀតស្ថិតនៅភូមិត្រពាំងស្វាយ សង្កាត់ភ្នំពេញថ្មី ខណ្ខសែនសុខ ភូមិត្រពាំងអង្ក្រង សង្កាត់ក្រាំងធ្នង់ ខណ្ខពោធិ៍សែនជ័យ រាជធានីភ្នំពេញ។
អគ្គិសនីកម្ពុជាក៏បានស្នើឲ្យប្រជាពលរដ្ឋនៅតាមតំបន់ ដែលអគ្គិសនីកម្ពុជាផ្អាកផ្គត់ផ្គង់ភ្លើងរយៈពេល ៤ ថ្ងៃនេះ ឲ្យមានការប្រុងប្រយត្ន័ខ្ពស់ចំពោះឧបទ្ទវហេតុណាមួយដែលកើតឡើងជាយថាហេតុ ៕
