អាល្លឺម៉ង់ចាប់ជនសង្ស័យពាក់ព័ន្ធការវាយប្រហារនៅប៉ារីសបាន៥នាក់
សារព័ត៌មាន Cambodia News/
អាល្លឺម៉ង់ (១៨ វិច្ចិកា ២០១៥) ៖ តាមការចុះផ្សាយលើគេហទំព័រព័ត៌មានចិនស៊ីនហ៊ួរបានឲ្យដឹងថា កាលពីថ្ងៃអង្គារម្សិលមិញប៉ូលិសបានចាប់ខ្លួនជនសង្ស័យ៥នាក់នៅក្នុងទីក្រុងមួយរបស់អាល្លឺម៉ង់ នៅតំបន់ព្រំដែនជាប់ប្រទេសប៊ែលហ្ស៊ិកនិងប្រទេសហូងឡង់។
ស្ដ្រីពីរនាក់និងបុរសម្នាក់ត្រូវបានចាប់ខ្លួននៅម៉ោងប្រមាណ៩និង៣០នាទីម៉ោងក្នុងតំបន់ រីឯជនសង្ស័យពីរនាក់ទៀតគឺចាប់ខ្លួននៅពេលរសៀល។ ការចាប់ខ្លួនធ្វើឡើងបន្ទាប់ពី ប៉ូលិសត្រូវបានថ្នាក់លើផ្ដល់ដំណឹងថាមានឧក្រិដ្ឋជនម្នាក់ ដែលជាជនសង្ស័យពាក់ព័ន្ធហេតុការណ៍នៅប៉ារីស អាចស្នាក់នៅតំបន់ព្រំដែននេះ។
គួរបញ្ជាក់ថា ការចាប់ខ្លួននេះដោយសារជនសង្ស័យទាំង៥នាក់នេះ អាចជាប់ពាក់ព័ន្ធនឹងការវាយប្រហារភេរវកម្មក្នុងទីក្រុងប៉ារីសកាលពីយប់ថ្ងៃទី១៣វិច្ឆិកា៕
