ផ្ទុះគ្រាប់បែកនៅលីបង់ស្លាប់មនុស្ស ៤៣នាក់ របួស២៤០នាក់
សារព័ត៌មាន Cambodia News/
លីបង់ (១៣ វិច្ចិកា ២០១៥) ៖ កាលពីថ្ងៃទី១២វិច្ឆិកា មនុស្ស៤៣នាក់បានស្លាប់បាត់បង់ជីវិត និង២៤០នាក់ផ្សេងទៀតរងរបួសធ្ងន់ បន្ទាប់ពីជនមិនស្គាល់មុខបំផ្ទុះគ្រាប់បែក ស្ថិតនៅភាគខាងត្បូងទីក្រុងBeirut ប្រទេសលីបង់ ដោយសន្តិសុខលីបង់អះអាងថា អ្នកបំផ្ទុះគ្រាប់បែកនេះ ជាក្រុមសកម្មប្រយុទ្ធអ៊ីស្លាមIS។
ក្រុមសន្តិសុខលីបង់បានបញ្ជាក់ទៀតថា ការបំផ្ទុះគ្រាប់បែក ស្ថិតនៅចំកន្លែងក្រុមហេសប៊ូឡាស៊ីអ៊ីត។ យ៉ាងណាក៏ដោយក្រុមហេសប៊ូឡាស៊ីអ៊ីតប្តេជ្ញាថា នឹងបន្តប្រយុទ្ធប្រឆាំងក្រុមភេរវករដែលជាសត្រូវជាមួយខ្លួន។
សូមបញ្ជាក់ថា បច្ចុប្បន្ន ក្រុមហេសប៊ូឡាស៊ីអ៊ីតគាំទ្រដោយលោកអាសាដ និងកងទ័ពអ៊ីរ៉ង់កាន់តែកើនឡើងនៅប្រទេសស៊ីរី ដើម្បីរួមគ្នាប្រយុទ្ធប្រឆាំងក្រុមសកម្មប្រយុទ្ធអ៊ីស្លាមIS។ ការកើនឡើងក្រុមហេសប៊ូឡាស៊ីអ៊ីតនេះ តាំងរុស្ស៊ីចាប់ផ្ដើមវាយប្រហារតាមជើងអាកាសប្រឆាំងក្រុមISកាលពីថ្ងៃទី៣០ខែកញ្ញា៕
