រាជរដ្ឋាភិបាលគ្រោងនឹងដំឡើងប្រាក់ខែមន្ត្រីរាជការឱ្យបាន១លានរៀលនៅ ឆ្នាំ២០១៨
សារព័ត៌មាន Cambodia News /
ភ្នំពេញ (១២ វិច្ចិកា ២០១៥) ៖ តាមការចុះផ្សាយរបស់គេហទំព័រសាព័ត៌មានកម្ពុជាបានឲ្យដឹងថា ថ្មីៗនេះ ក្រសួងមុខងារសាធារណៈបានចាប់ផ្តើមធ្វើជំរឿនទៅលើគ្រូបង្រៀននៅខេត្តសៀមរាប ដើម្បីស្រង់យកទិន្ន័យឱ្យបានជាក់លាក់ សម្រាប់រៀបចំដំឡើងប្រាក់ខែឱ្យបាន ១លានរៀលនៅឆ្នាំ២០១៨ខាងមុខនេះ ។
ដូច្នេះដើម្បីឱ្យមានប្រសិទ្ធភាពនៃការដំឡើងប្រាក់ខែនេះ រាជរដ្ឋាភិបាល ចាំបាច់ត្រូវតែធ្វើជំរឿនស្រង់ទិន្ន័យគ្រូបង្រៀនឱ្យបានច្បាស់លាស់ថា តើចំនួនគ្រូបង្រៀននៅទូទាំងប្រទេស មានចំនួនប្រមាណជាង១១ម៉ឺននាក់នេះ បានបំពេញភារកិច្ចត្រឹមត្រូវឬទេ? ហើយគួរបន្ថែមក្របខ័ណ្ឌសម្រាប់ ឆ្នាំ២០១៦ប៉ុន្មាននាក់ទៀត ដើម្បីបំពេញតាមសេចក្តីត្រូវការ?
គួរបញ្ជាក់ថា គ្រូបង្រៀនដែលទើបញ្ចប់ការបណ្តុះបណ្តាលនៅសាលាករុកោសល្យ តែងតែដាក់ពាក្យទៅបង្រៀនសិស្សនៅ តាមតំបន់ជនបទដែលខ្វះគ្រូ។ ប៉ុន្តែ១ឆ្នាំឬ២ឆ្នាំក្រោយមកគ្រូបង្រៀនទាំងនោះតែងតែបានផ្ទេរមកបង្រៀននៅសាលាក្នុងក្រុងឬទីប្រជុំជនវិញ ដែលជាហេតុធ្វើឱ្យសាលារៀននៅជនបទនៅតែខ្វះគ្រូបង្រៀនដដែល ដូច្នេះហើយទើបយើងធ្វើជំរឿន៕
