ដឹងទេថា ភ្នំពេញមានប្រជាពលរដ្ឋរស់នៅចំនួនប៉ុន្មាននាក់?
សារព័ត៌មាន Cambodia News /
ភ្នំពេញ (០៥ វិច្ចិការ ២០១៥)៖ យើងដឹងហើយថា រាជធានីភ្នំពេញ ត្រូវបានចាត់ទុកថា ជាបេះដូងនៃព្រះរាជាណាចក្រកម្ពុជា ដែលពោរពេញទៅដោយការអភិវឌ្ឍន៍ ទាំងវិស័យសេដ្ឋកិច្ច សំណង់អគារខ្ពស់ រួមនឹងហេដ្ឋារចនាសម្ព័ន្ធនានា ដែលមានប្រជាពលរដ្ឋជាច្រើនរស់នៅ។
នៅក្នុងពិធីសម្ពោធគម្រោងការពារទឹកជំនន់ និងកែរលម្អប្រព័ន្ឋប្រឡាយលូ ដែលជាជំនួយថវិកាដោយរាជរដ្ឋាភិបាលជប៉ុន តាមរយៈអង្គការ JICA នៅសួនច្បារ មុខវត្តបទុមវត្តី រាជធានីភ្នំពេញ នាថ្ងៃទី០៥វិច្ឆិកានេះលោកប៉ា សុជាតិវង្ស អភិបាលរាជធានីភ្នំពេញបញ្ជាក់ថា ចំនួនប្រជាពលរដ្ឋរស់នៅ ក្នុងទីក្រុងភ្នំពេញ មានប្រមាណជា១លាន៨សែននាក់។
សូមបញ្ជាក់ថា ដើម្បីរំដោះការជន់លិចនៅក្នុងរាជធានីភ្នំពេញ នៅពេលមានភ្លៀងធ្លាក់ម្តងៗ សាលារាជធានីភ្នំ ពេញ បានចេញប្រតិបត្តិការស្តារ និងរៀបចំប្រព័ន្ធលូថ្មី ចាប់តាំងពីឆ្នាំចុងឆ្នាំ២០១៤ រហូតមកដល់ចុងឆ្នាំ២០១៥ នេះ ផ្លូវជាច្រើនក្នុងរាជធានីភ្នំពេញ ត្រូវបានរៀបចំប្រព័ន្ធលូរួចរាល់ ហើយក៏បានចូលរួមជួយរំដោះការជន់លិច ពេលមានភ្លៀងធ្លាក់ បានប្រសើរជាងបណ្តាឆ្នាំកន្លងទៅផងដែរ៕ ដោយ៖ ហេង នាង
