ថយ្តក្រុងដឹកអ្នក ដំណើររបស់ សាលារាជធានី បើកកៀរ កិនក្មេង អាយុ១៣ឆ្នាំម្នាក់ ស្លាប់
សារព័ត៌មាន Cambodia News/
ភ្នំពេញ (២៦ តុលា ២០១៥) ៖ រថយន្តក្រុងដឹកអ្នកដំណើររបស់សាលារាជធានីបើកបរ ក្នុងល្បឿនលឿនកៀរក្មេងប្រុសម្នាក់អាយុ ១៣ឆ្នាំបណ្តាលឲ្យដួលចូលក្រោមរថយន្តកិនស្លាប់ភ្លាមនៅ កន្លែងកើតហេតុ ខណៈដែលក្មេងប្រុសរងគ្រោះចេញពីរៀនហើយជិះម៉ូតូយឺតឈប់អែបកៀនផ្លូវ។
ហេតុការណ៍នេះបានកើតឡើងនៅវេលាម៉ោង១និង០០នាទី ថ្ងៃទី២៥ ខែតុលា ឆ្នាំ២០១៥ នៅលើកំណាត់មហាវិថីសហព័ន្ធរុស្ស៊ី ចំណុចទល់មុខវត្តមង្គត់បុរី ហៅវត្តទួលក្រសាំង ស្ថិតក្នុង ភូមិទឹកថ្លា សង្កាត់ទឹកថ្លា ខណ្ឌសែនសុខ។
ក្មេងប្រុសរងគ្រោះមានឈ្មោះ រស់ រ័ត្នបញ្ញា អាយុ ១៣ឆ្នាំ មុខរបរសិស្ស ស្នាក់នៅផ្ទះជួល សង្កាត់ទឹកថ្លា ខណ្ឌសែនសុខ។ ចំណែករថយន្តបង្កហេតុមានម៉ាកHYUNDIA ពណ៌ខៀវ ពាក់ ស្លាកលេខរដ្ឋ37 3-0049 និងម៉ូតូក្មេងប្រុសរងគ្រោះម៉ាកTODAY ពណ៌ស ពាក់ស្លាកលេខភ្នំ ពេញ1FC-7853 ធ្វើដំណើរស្របទិសគ្នាលិចទៅកើត។
ក្រោយកើតហេតុសមត្ថកិច្ចចរាចរណ៍ក៏បានចុះមកដល់កន្លែងកើតហេតុធ្វើការវាស់វែងរួចក៏នាំយករថយន្តបង្កហេតុទៅរក្សាទុកនៅការិយាល័យចរាចរណ៍ផ្លូវគោ នៃស្នងការដ្ឋាននគរបាល រាជធានីភ្នំពេញ រងចាំការដោះស្រាយតាមច្បាប់ ចំណែកអ្នកបើកបរបានក៏រត់គេចខ្លួនបាត់៕
