គណៈរដ្ឋមន្រ្តីបានអនុម័តសេចក្ដីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០១៦
សារព័ត៌មាន Cambodia News/
ភ្នំពេញ (២១ តុលា ២០១៥) ៖ សេចក្ដីព្រាងច្បាប់ ស្តីពី ហិរញ្ញវត្ថុ សម្រាប់ការគ្រប់គ្រងឆ្នាំ២០១៦ ត្រូវបានអនុម័តហើយនៅក្នុងកិច្ចប្រជុំពេញអង្គគណៈរដ្ឋមន្ត្រី ក្រោមវត្តមានលោកនាយករដ្ឋមន្ត្រីហ៊ុន សែននៅព្រឹកថ្ងៃទី២១តុលានេះ នៅវិមានសន្តិភាព។
សូមបញ្ជាក់ថា នៅព្រឹកថ្ងៃទី២១តុលានេះ លោកនាយករដ្ឋមន្ត្រីហ៊ុន សែនបានដឹកនាំបើកកិច្ចប្រជុំគណៈរដ្ឋមន្ត្រីពេញអង្គ ដោយចាប់ផ្តើមពីម៉ោង៨និង៣០នាទី ក្រោមរបៀបវារៈចំនួន៣រួមមានទី១- សេចក្ដីព្រាងច្បាប់ស្តីពីហិរញ្ញវត្ថុ សម្រាប់ការគ្រប់គ្រងឆ្នាំ២០១៦ ទី២- សេចក្តីព្រាងច្បាប់ស្តីពីការទូរទាត់ ថវិកាទូទៅរបស់រដ្ឋ សម្រាប់ការគ្រប់គ្រងឆ្នាំ២០១៤ និងទី៣- បញ្ហាផ្សេងៗ៕
