មនុស្សស្លាប់ដោយសារព្យុះទីហ្វុង Koppu នៅហ្វីលីពីនកើនដល់២២នាក់
សារព័ត៌មានយុវវ័យថ្មី/
ហ្វីលីពីន (២១ តុលា ២០១៥) ៖ រហូតមកដល់ពេលនេះ មានមនុស្ស២២នាក់ហើយបានស្លាប់បាត់បង់ជីវិត បន្ទាប់ពីព្យុះទីហ្វុងKoppuវាយប្រហារនៅភាគខាងជើងប្រទេសហ្វីលីពីនកាលពីថ្ងៃទី១៩តុលា។ បើតាមមន្ត្រីសន្តិសុខបានអះអាងថា មនុស្សរាប់ម៉ឺននាក់នៅភាគខាងជើងប្រទេសហ្វីលីពីនត្រូវបង្ខំជម្លៀសចេញ ដើម្បីគេចពីគ្រោះថ្នាក់។
មន្ត្រីសន្តិសុខហ្វីលីពីបារម្ភខ្លាច អ្នកស្លាប់ដោយសារព្យុះទីហ្វុងនេះអាចបន្តកើតឡើងទៀត ខណៈដែលកោះLuzon ត្រូវព្យុះទីហ្វុងKoppu បំផ្លាញ។ មន្ត្រីសន្តិសុខហ្វីលីពីនបានបន្ថែមថា ព្យុះទីហ្វុងKoppuកំពុងចាប់ផ្តើមវាយប្រហារបំផ្លាញដើមឈើអស់ជាច្រើន និងបានផ្តួលផ្ទាំងថ្មធំៗផងដែរ៕