នាយករដ្ឋមន្ត្រី ហ៊ុន សែន ស្នើឲ្យចិនជួយបណ្ដុះបណ្ដាលមន្ត្រីកម្ពុជាផ្នែកគ្រប់គ្រងប្រព័ន្ធទិន្នន័យ
សារព័ត៌មាន Cambodia News/
ប៉េកាំង (១៥ តុលា ២០១៥) ៖ លោកនាយករដ្ឋមន្ត្រី ហ៊ុន សែន បានស្នើឲ្យចិន ជួយបណ្តុះបណ្តាល ដល់មន្ត្រីបុគ្គលិកកម្ពុជា ក្នុងការគ្រប់គ្រង ប្រព័ន្ធទិន្នន័យ ពិសេសការគ្រប់គ្រង ប្រព័ន្ធទិន្នន័យ ទៅនឹងការប្រឆាំងភេវកម្ម គ្រោះធម្មជាតិ គ្រោះថ្នាក់ចរាចរ គ្រោះអគ្គិភ័យ និងបញ្ហាដទៃទៀត ដែលទាក់ទាក់ទិន ទៅនឹងបញ្ហាសន្តិសុខជាតិ។
ការស្នើរបស់ លោក ហ៊ុន សែន បានធ្វើឡើងខណៈ ដែលរូបលោក និងគណៈប្រតិភូជាន់ខ្ពស់ រាជរដ្ឋាភិបាលកម្ពុជា អញ្ជើញទស្សនា មជ្ឈមណ្ឌលប្រព័ន្ធទិន្នន័យ របស់ទីក្រុងប៉េកាំង ប្រទេសចិន នាថ្ងៃទី១៤ ខែតុលា ឆ្នាំ២០១៥។
នៅក្នុងដំណើទស្សនកិច្ចនោះ លោក ម៉ៅ និងលោក ហូ ជាន អនុប្រធានក្រុមហ៊ុនហ្សេតធីអ៊ី បានសម្តែងនូវការស្វាគមន៍ យ៉ាងកក់ក្តៅបំផុត ចំពោះវត្តមាន របស់លោក ហ៊ុន សែន និងគណៈប្រតិភូរាជរដ្ឋាភិបាលកម្ពុជាទាំងអស់ ដែលបានអញ្ជើញ មកទស្សនាមជ្ឈមណ្ឌល ប្រព័ន្ធទិន្នន័យ របស់ទីក្រុងប៉េកាំង ដែលជាមជ្ឈមណ្ឌលដ៏ធំជាងគេ បង្អស់នៅក្នុងប្រទេសចិន៕
