អាជ្ញាធរថៃដោះលែងពលរដ្ឋខ្មែរជាប់ឃុំ៥៨នាក់ក្នុងចំណោម៩២នាក់
សារព័ត៌មាន Cambodia News/
ភ្នំពេញ (១៦ កញ្ញា ២០១៥) ៖ ពលរដ្ឋខ្មែរចំនួន៥៨នាក់ ក្នុងចំណោម៩២នាក់ ដែលជាប់ពន្ធនាគារខេត្តនគររាជសីម៉ាប្រទេសថៃ ពីបទចូលកាប់ឈើខុសច្បាប់ក្នុងឧទ្យានជាតិខេត្តនគររាជសីម៉ា ប្រទេសថៃ ត្រូវបានអាជ្ញាធរថៃដោះលែងកាលពីថ្ងៃទី១១កញ្ញា តាមច្រកឆុងចម-អូស្មាច់ ដោយគ្រាន់តែបង់ប្រាក់ពិន័យក្នុងម្នាក់ៗចំនួន៤២៥០បាត។ នេះបើតាមសេចក្តីជូនដំណឹងរបស់ក្រសួងការបរទេស និងសហប្រតិបត្តិការអន្តរជាតិកម្ពុជានៅថ្ងៃទី១៥កញ្ញា។
បើតាមសេចក្តីជូនដំណឹងដដែលបានឲ្យដឹងថា ពលរដ្ឋខ្មែរខាងលើបានចាញ់បោកមេខ្យល់ យកទៅធ្វើការនៅប្រទេសថៃ ដោយប្រាប់ថា ជាការងារស្របច្បាប់ អាចទទួលប្រាក់កំរ៉ៃចំនួន១០០០បាតក្នុងមួយថ្ងៃ៕
