ត្រីងាប់រាប់សិបតោននៅប្រទេសម៉ិចស៊ិក
សារព័ត៌មាន Cambodia News/
ម៉ិចស៊ិក (១៩ សីហា ២០១៥) ៖ សែតក្នុងស្រុងនៃប្រទេសម៉ិចស៊ិករាយការណ៍ថា ត្រីងាប់នៅក្នុងបឹងយក្ស Cajititlan ធំមួយគឺនៅរដ្ឋ Jalisco state មានប្រហែលជា៤០តោន ដែលអ្នកស្រុកនិយាយថា វាជាបាតុភូតធម្មជាតិ តែអ្នកបរិស្ថានអះអាងថា មកពីការគ្រប់គ្រងបឹងនោះមិនល្អប្រសើរ។
បណ្ដាញផ្សាយព័ត៌មាន BBC ឱ្យដឹងថា អាជ្ញាធររបស់ប្រទេសនេះកំពុងស៊ើបអង្កេតលើរោងចក្រមួយនៅក្បែរទីនោះ ដែលអាចធ្វើខូចឬក៏ខ្វះអ៊ុកស៊ីសែនរបស់ទឹកក្នុងបឹងដ៏ធំនេះ។
ទោះជាយ៉ាងណា មានករណីពីរដែលជាហេតុបង្កឱ្យត្រីងាប់ដ៏សន្ធឹកសន្ធាប់នេះ។ មន្ត្រីក្នុងស្រុកម្នាក់គឺលោក Ismael del Toro អះអាងថា ជារៀងរាល់ឆ្នាំត្រីតែងតែងាប់ច្រើនដូចនេះ គឺបណ្ដាលពីមកពីការដូររដូវ គឺវាងាប់ច្រើននៅរដូវភ្លៀង។ តែមន្ត្រីម្នាក់ទៀតអះអាងផ្ទុយពីនេះបន្តិច។ លោក Erik Tapia និយាយថា វាអាចមកពីបរិមាណត្រីក្នុងបឹងនោះ មានចំនួនលើសលុបពេក៕
