បង្ក្រាបទីតាំងចែកចាយគ្រឿងញៀនដ៏ធំមួយ ឃាត់ខ្លួនបាន ២៦នាក់
សារព័ត៌មាន Cambodia News/
ភ្នំពេញ (១៩ សីហា ២០១៥ )កម្លាំងអាវុធហត្ថខណ្ឌទួលគោបានធ្វើការសហការជាកម្លាំងកងរាជអាវុហត្ថ រាជធានីភ្នំពេញ បានបើកប្រតិបត្តិការបង្ក្រាបកន្លែងចែកចាយគ្រឿងញៀនដ៏ធំមួយនៅក្នុងភូមត្រពាំងឈូក ដោយធ្វើការឃាត់ខ្លួនជនសង្ស័យបាន ២៦នាក់ (ស្រីម្នាក់) និងដកហូតថ្នាំញៀន ឧបករណ៍ជក់គ្រឿងញៀន និងមធ្យោបាយមួយចំនួន និងដាវសាំមូរ៉ៃ១ដើម ។
ហេតុការណ៏ចុះបង្ក្រាបករណីគ្រឿងញៀន នេះបានធ្វើឡើងកាលពី វេលាម៉ោង១៩ និង៣០នាទីថ្ងៃទី១៨ ខែសីហា ឆ្នាំ២០១៥ នៅចំនុចភូមិត្រពាំងឈូក សង្កាត់ទឹកថ្លាខណ្ឌ សែនសុខ រាជធានីភ្នំពេញ។
ក្រោយពីកម្លាំង អហ ទួលគោក ល្បាតនិងឃាត់ខ្លួនជនសង្ស័យ០៥នាក់ពីបទពាក់ព័ន្ធនឹគ្រឿងញៀន នៅវេលាម៉ោង២១ និង១០នាទី កាលពីថ្ងៃទី១៧ ខែសីហាឆ្នាំ២០១៥ នៅចំនុចផ្លូវ១៨២ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ យក មកសាកសួរនៅអង្គភាពទើបកម្លាំង ឈានមកបង្ក្រាបមួយករណីទៀតដោយមានការសហការពីការិយាល័យគ្រឿងញៀន អហ ក្រុង ឃាត់បានជាក់ស្តែង ២៦នាក់ស្រី០១នាក់ ពាក់ព័ន្ធនឹងគ្រឿងញៀន នៅចំនុចភូមិត្រពាំងឈូកសង្កាត់ទឹកថ្លា ខណ្ឌ សែនសុខ រាជធានីភ្នំពេញ។
បច្ចុប្បន្នជនសង្ស័យរួមនឹងវត្ថុតាងកម្លាំង អហ ទួលគោក បានកសាងសុំណុំរឿងដើម្បីបញ្ជូនទៅការិយាល័យគ្រឿង អរាជធានីភ្នំពេញ៕
