កម្មករបន្តប្រមូលផ្តុំនៅមុខរោងចក្រ និងដង្ហែមកទីលានប្រជាធិបតេយ្យ
ភ្នំពេញ៖ នៅព្រឹកថ្ងៃសុក្រនេះ កម្មកររាប់រយនាក់ កំពុងតែបន្តប្រមូលផ្តុំគ្នា និងដង្ហែមកពីទីលានប្រជាធិ បតេយ្យ ដើម្បីចូលរួមតវ៉ាជាមួយគណបក្សសង្គ្រោះជាតិ ទាមទារការដំឡើងប្រាក់ឈ្នួលដល់ទៅ១៦០ដុល្លារ។
កម្មកររាប់រយនាក់ បានកំពុងធ្វើដំណើរតាមរថយន្តជាបណ្តើរៗមកទីលានប្រជាធិបតេយ្យ។ ចំណែក កម្មករមួយចំនួនទៀត កំពុងតែប្រមូលផ្តុំគ្នានៅតាមរោងចក្រ ដោយនឹងដើរដង្ហែមកទីលានប្រជាធិបតេយ្យ។
កម្មករ បានឲ្យដឹងថា រោងចក្រមួយចំនួននៅរាជធានីភ្នំពេញ បានបិទទ្វារ មិនឲ្យកម្មករ ចេញមកតវ៉ា។ សមាគមរោងចក្រកាត់ដេរនៅកម្ពុជា បានណែនាំឲ្យរោងចក្រ បិទទ្វារបណ្តោះអាសន្ន ដើម្បីបង្កាហានិភ័យមួយចំនួនដែលអាចកើតឡើង៕ យុវវ័យថ្មី
