កម្ពុជានឹងប្រើសត្វកណ្តុរ ពីអាហ្រ្វិក ឲ្យជួយដោះមីន ជំនួសសត្វសុនក
សារព័ត៌មាន Cambodia News/
ភ្នំពេញ ៖ យោងតាមហ្វេសប៊ុក របស់ លោក ពុយ គា បានឲ្យដឹងថា កម្ពុជាបាននាំសត្វកណ្តុរចំនួន ១៥ក្បាលពីប្រទេសតាន់ហ្សែននៀ (Tanzania) កាលពីជាងមួយខែមុននេះ ដើម្បីឲជួយដោះមីននៅស្រុកខ្មែរ ។
ទាក់ទងនឹងការយកកណ្តុរដើម្បីឲជួយដោះមីននៅកម្ពុជា ត្រូវបាន លោក ហេង រតនា អគ្គនាយកមណ្ឈមណ្ឌលកំចាត់មីនកម្ពុជា ឲ្យដឹងថា កណ្តុរទាំង ១៥ក្បាលត្រូវបាននាំចូលកាលពីខែមេសា ហើយកំពុងតែបង្ហាត់នៅក្នុងខេត្តសៀមរាបមុននឹងឲ្យសាកល្បងដោះមីនមែនទែននៅប៉ុន្មានថ្ងៃខាងមុខនេះ ។
លោក ហេង រតនា បានបន្តថា កណ្តុរដែលនាំចូលមកកម្ពុជាមានទំងន់ជាង ១គីឡូក្រាម ហើយមានអាយុទើបតែ ១ឆ្នាំប៉ុណ្ណោះ តែវីរសត្វកណ្តុរនេះអាចប្រើជាជំនួយដោះមីនរហូតដល់អាយុ ៥ ទៅ ៨ឆ្នាំមុនចូលនិវត្ត។
លោក រតនា បានបញ្ជាក់ថា កាលដែល យកសត្វកណ្តុរជំនួសសត្វសុនក ដែលកំពុងទទួលភាពជោគជ័យក្នុងការងារដោះមីន ជាការសាកល្បងព្រោះតំលៃសុនកដោះមីនមួយក្បាលរហូតដល់ ១ម៉ឺនដុល្លា រីឯសត្វកណ្តុរគឺថោកជាង៕ ដោយ ៖ ហេង នាង
