សកម្មភាព ចោរលួច ស្លាកលេខរថយន្ត (មានវីដេអូ)
សារព័ត៌មាន Cambodia News/
ហ្វេសប៊ុក (17 មិថុនា ២០១៥) ៖ ករណីចោរលួចស្លាកលេខរថយន្ត ពិតជាមានមែននៅក្នុងស្រុកខ្មែរ ដូចនេះសូមប្រិយមិត្ត ក៏ដូចជាប្រជាពលរដ្ឋដែលមានរថយន្ត ទុកចោលនៅខាងក្រៅផ្ទះ មេត្តាបង្កើន ការប្រុងប្រយ័ត្នទាំងអស់គ្នា។
ទិដ្ឋភាពជាក់ស្តែងមួយ ត្រូវបានថតជាប់ដោយកាមេរ៉ាសុវត្ថិភាព ឲ្យឃើញនូវសកម្មភាព ចោរលួច ដោះយកស្លាកលេខរថយន្តមួយគ្រឿង ម៉ាកតូយ៉ូតាព្រុស ពណ៌ទឹកប្រាក់ នៅវេលាម៉ោងជាង ២ រំលងអធ្រាត ឈានចូលថ្ងៃទី១២ ខែមិថុនា ឆ្នាំ២០១៥។
តាមការអះអាងពីប្រភពវីដេអូឃ្លីប បង្ហោះជាសាធារណ: បានសរសេរថា៖ «វីដេអូ ចោរលួច ស្លាកលេខឡាន នៅស្រុកខ្មែរ សូមចែកចាយបន្ត ដើម្បីឲ្យបងប្អូនមានការប្រុងប្រយ័ត្ន កុំទុកឡានប្រហែស។ ស្លាកលេខ 2AC-2193 ត្រូវបានចោរលួចបាត់ហើយ»៕
