គ្រោះថ្នាក់ចរាចរណ៍ ទូទាំងប្រទេស នៅថ្ងៃទី៧មិថុនា ស្លាប់ម្នាក់ របួស១៣នាក់
សារព័ត៌មាន Cambodia News/
ភ្នំពេញ (០៨ មិថុនា ២០១៥) ៖ យោងតាមរបាយការណ៍ នាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិ បានបញ្ជាក់ឲ្យដឹងថា នៅថ្ងៃទី០៧ ខែមិថុនាមានមនុស្សម្នាក់ បានស្លាប់ ខណៈមនុស្ស១៣នាក់ផ្សេងទៀត រងរបួសធ្ងន់ ស្រាល ដោយសារគ្រោះថ្នាក់ចរាចរណ៍ នៅទូទាំងប្រទេស។
របាយការណ៍ របស់នាយកដ្ឋានសណ្តាប់ធ្នាប់ បានបញ្ជាក់ទៀតថា គ្រោះថ្នាក់ចរាចរណ៍នៅទូទាំងប្រទេស នៅថ្ងៃទី០៧ ខែមិថុនា បណ្តាលឲ្យខូចខាតម៉ូតូចំនួន ១០គ្រឿង, រថយន្តតូច០៤គ្រឿង ហើយមូលហេតុ នៃការគ្រោះថ្នាក់ទំាងអស់នេះ ភាគច្រើនមកពីការបើកបរលឿន, ស្រវឹងនិង មិនប្រកាន់ស្តាំ៕
