ខ្លាចប្តីលែងរឿងអត់មានកូន ស្ត្រីម្នាក់ក្លាយជាឃាតករសម្លាប់បុរសម្នាក់ប្លន់យកកូន
សារព័ត៌មាន Cambodia News/
ព្រះសីហនុ (១៤ ឧសភា ២០១៥) ៖ ស្រ្តីម្នាក់ត្រូវបាន កម្លាំងមន្ត្រី មានសមត្ថកិច្ច ធ្វើការឃាត់ខ្លួននៅល្ងាចថ្ងៃទី ១៣ ខែឧសភា ឆ្នាំ២១០៥ នៅឯខេត្តព្រៃវែង បន្ទាប់ពីស្ត្រីរូបនេះបានសម្លាប់បុរសម្នាក់ ហើយប្លន់យកកូន ផ្គាប់ចិត្តប្តីព្រោះខ្លាច ប្តីលែងលះ។ [ អានបន្ត] 
ស្រ្តីដែលជាឃាតកមានឈ្មោះ ពត រដ្ឋា អាយុ២៤ឆ្នាំ មុខរបរកសិករ ស្នាក់នៅភូមិ១ សង្កាត់លេខ១ ក្រុងខេត្តព្រះសីហនុ ។ ឃាតករបានសារភាពថា ប្តីរបស់នាងបានគំរាមថា បើនាងខ្ញុំគ្មានកូន ប្តីនាងខ្ញុំនឹងលែងនាងខ្ញុំចោល ។
សមត្ថកិច្ចបានបញ្ជាក់ប្រាប់ថា កាលពីថ្ងៃទី១១ ខែឧសភា ឆ្នាំ២០១៥ វេលាម៉ោង១១ជាង ស្ថិតនៅតំបន់ក្បាលឆាយ ក្នុងសង្កាត់លេខ១ ក្រុងខេត្តព្រះសីហនុ ស្រ្តីខាងលើ បានសម្លាប់ បុរសម្នាក់ឈ្មោះ ផល ដោយយកចបជីកវាយ ទៅលើក្បាលរបស់ជនរងគ្រោះ ខណៈដែល កំពុងដេក លើអង្រឹងហើយស្រវឹងស្រាជោគជាំ រួចយកកូនតូចជនរងគ្រោះ រត់គេចខ្លួនបាត់ពីកន្លែងកើតហេតុ។
ចំណែកជនរងគ្រោះត្រូវបានគេយកទៅសង្រ្គោះនៅមន្ទីរពេទ្យ បង្អែកខេត្តរហូតដល់ម៉ោង១៧ល្ងាច ថ្ងៃដដែលក៏ដាច់ខ្យល់ស្លាប់ទៅ ។
ដោយឡែកស្រ្តីជាឃាតករបានគេចខ្លួនទៅដល់់ខេត្តព្រៃវែងរហូតមកដល់ល្ងាចថ្ងៃទី១៣ ខែឧសភា ឆ្នាំ២០១៥ ក៏ត្រូវសមត្ថកិច្ចចាប់ខ្លួនបានតែម្តង ៕
