រូបសំណាកព្រះនាង គង់ស៊ីអ៊ីម នៅលើកោះកុងក្រៅត្រូវបានកម្លាំងសមត្ថកិច្ច ដុតបំផ្លាញចោល (មានវីដេអូ)
សារព័ត៌មាន Cambodia News/
កោះកុង (០៩ មេសា ២០១៥) ៖ កាលពី រសៀលថ្ងៃទី៨ ខែមេសា ម្សិលមិញ អាស្រម របស់ជនជាតិ វៀតណាមដែលទៅ តាំងសមាធិ នៅលើកោះកុងក្រៅ ត្រង់ចំណុច ចំការដូងទី៤ ក្នុងឃុំកាពិ ស្រុកកោះកុង ខេត្ដកោះកុង ត្រូវបានកម្លាំងសមត្ថកិច្ច ចុះទៅដុតបំផ្លាញចោល ។ [ អានបន្ត ]
ប្រតិបត្ដិការចុះទៅ ដុតបំផ្លាញអាស្រម របស់ជនជាតិវៀតណាម ដូចជា ការបោះតង់ ស្នាក់នៅ និងរូបសំណាកព្រះនាង គង់ស៊ីអ៊ីម កម្ពស់៨ម៉ែត្រនោះ បានធ្វើឡើង ក្រោយពី មានបទបញ្ជារបស់ សម្ដេចនាយករដ្ឋមន្ដ្រី ហ៊ុន សែន មិនឱ្យ មានសកម្មភាព បែបសាសនា ណាមួយកើតឡើងនៅលើកោះ នោះឡើយ។
យោងតាមប្រភពព័ត៌មានពី មន្ដ្រីយោធា ជើងទឹក ដែលចូលរួម ក្នុងប្រតិបត្ដិការដុត បំផ្លាញនោះបាន បញ្ជាក់ថា ចំពោះជនជាតិវៀតណាម ទាំងព្រះសង្ឃ និងឧបាសកទាំងនេះ ត្រូវបាន នាំខ្លួនមកកាន់ សមាគមរបស់ ពួកគេវិញហើយ និងមិនអនុញ្ញតឱ្យ ធ្វើដំណើរទៅ កាន់កោះនោះទៀតឡើយ៕
