បុរសម្នាក់ជិះម៉ូតូ ដួលចូលក្រោមរថយន្ត EDC កិនស្លាប់ភ្លាមៗ
សារព័ត៌មាន Cambodia News/
ភ្នំពេញ (០១ មេសា ២០១៥) ៖ កាលពីព្រឹក ថ្ងៃទី០១ ខែមេសាបុរសម្នាក់បានស្លាប់ភ្លាមៗនៅនឹងកន្លែង ក្រោយពីជិះម៉ូតូលឿនពេក ហើយចាប់ហ្វ្រាំងបោកផ្ទប់អូសចូលក្រោមរថយន្តកិនស្លាប់ភ្លាមៗនៅនឹងកន្លែង ស្ថិតតាមបណ្តោយផ្លូវណតប្រ៊ីត សង្កាត់ទឹកថ្លា ខណ្ឌសែនសុខ។
សមត្ថកិច្ចបានឲ្យដឹងថា បុរសខាងលើមានឈ្មោះហុយ អៀង អាយុ២៣ឆ្នាំ ទីលំនៅបច្ចុប្បន្ន ភូមិដីថ្មីសង្កាត់ភ្នំពេញថ្មី ខណ្ឌសែនសុខ ជិះម៉ូតូម៉ាកហុងដា C125 សេរ៊ីឆ្នាំ២០១៤ ពណ៌ខ្មៅ ស្លាកលេខភ្នំពេញ 1CI-7961 [ អានបន្ត ]
បើតាមប្រភពព័ត៌មានកន្លែងកើតហេតុបានឲ្យដឹងថា មុនពេលកើតហេតុគេឃើញបុរសខាងលើជិះម៉ូតូយ៉ាងលឿនចេញពីរោងចក្រ ក្នុងទិសដៅពីត្បូងទៅជើង ខណៈដល់ចំណុចកើតហេតុស្រាប់តែចាប់ហ្វ្រាំងបណ្តាលឲ្យដួលអូសចូលក្រោយរថយន្តរបស់អគ្គិសនីកម្ពុជា ដែលកំពុងបើកក្នុងទិសដីច្រាសគ្នា កិនស្លាប់ភ្លាមៗនៅនឹងកន្លែង។
ចំណែកភាគីអ្នកបើករថយន្តEDC ស្លាកលេខ រដ្ឋ 13 C0349 ឈ្មោះ សុខ សាវុធ អាយុ៥២ឆ្នាំ ជាមន្ត្រីអគ្គិសនីកម្ពុជាបច្ចុប្បន្នទាំងរថយន្ត និងម៉ូតូត្រូវបានសមត្ថកិច្ចដឹកទៅរក្សាទុកដើម្បីរង់ចាំដោះស្រាយនៅពេលក្រោយ៕
