ទូភេសជ្ជៈស្វ័យប្រវតិ្តកំពុងមានការចាប់អារម្មណ៍ខ្លាំងពីមនុស្សគ្រប់វ័យ
សារព័ត៌មាន Cambodia News/
អត្ថបទ៖ ហេង នាង/
ទូភេសជ្ជៈស្វ័យប្រវត្តិមួយប្រភេទ ដែលប្រទេសកម្ពុជាយើងមិនធ្លាប់មានពីមុនមក វាបានផ្តល់នូវមានភាពងាយស្រួលដល់អ្នកទិញភេសជ្ជៈដោយគ្រាន់តែដាក់លុយក្នុងម៉ាស៊ីនបន្ទាប់ មកភេសជ្ជៈក៏ធ្លាក់ចេញមក លក្ខណៈពិសេសរបស់ទូភេជ្ជៈប្រភេទថ្មីនេះបានធ្វើអោយប្រជាជនកម្ពុជាមានការចាប់អារម្មណ៏យ៉ាងខ្លាំង។
ជាការកត់សម្គាល់ទូប្រភេទនេះត្រូវបានដាក់អោយប្រើប្រាស់នៅតាមសាកលវិទ្យាល័យមួយចំនួនក្នុងរាជធានីភ្នំពេញ ក្រៅពីនៅតាមសាលារៀន ក៏មានដាក់លក់២៤ម៉ោងផងដែរនៅតាមហាងលក់ទំនិញផ្សេងៗ។
នេះជាលើកទីមួយហើយដែលប្រទេសកម្ពុជាមានទូភេសជ្ជៈស្វ័យប្រវិត្តប្រភេទនេះ ជាការពិតណាស់វាបានផ្តល់ភាពងាយស្រួលសម្រាប់ក្មេងចាស់ប្រុសស្រីក្នុងការទិញភេសជ្ជៈដោយមិនចាំបាច់មានអ្នកលក់។
ទូភេសជ្ជៈស្វ័យប្រវត្តិនេះមានពីរប្រភេទគឺប្រភេទ Single និងប្រភេទ Twin ដែលអាចផ្ទុកបាន៣០០ភេសជ្ជៈ ហើយតម្លៃដូចនៅលើទីផ្សារទូទៅ ហើយទូភេសជ្ជៈស្វ័យប្រវត្តិនេះស្គាល់តែលុយខ្មែរប៉ុណ្ណោះ គឺចាប់ពីក្រដាសប្រាំពាន់រៀលចុះក្រោម តែចំពោះក្រដាស់ប្រាក់ដែលចាស់ រហែក ឬបិទស្កុត ទូភេសជ្ជៈស្វ័យ ប្រវត្តិនេះមិនអាចដំណើរការបាននោះទេ។
គួរបញ្ចាក់ថានៅបស្ចិមប្រទេសទូរលក់ភេសជ្ជៈដោយស្វ័យប្រវត្តិត្រូវបានគេប្រើប្រាស់រយៈពេលប្រមាណជាង ២០ឆ្នាំរួចមកហើយ ដូច្នេះវាគឺជារឿងធម្មតាសម្រាប់ប្រជាជនប្រទេសដទៃ ប៉ុន្តែបើនិយាយពីប្រជាពលរដ្ខកម្ពុជាវិញ គឺជារឿងដែលថ្មីនិងប្លែក៕
