គណបក្សប្រជាជនកម្ពុជាប្រារព្ឋពិធីរំលឹកខួបឆ្នាំទី៣៦ ថ្ងៃកំណើតរណសិរ្ស២ធ្នូ
សារព័ត៌មាន Cambodia News/
ភ្នំពេញ៖ព្រឹកនេះគណបក្សប្រជាជនកម្ពុជាបានប្រារព្ឋពិធីរំលឹកខួបអនុស្សាវរីយ៍លើកទី៣៦ថ្ងៃបង្កើតរណសិរ្សសាមគ្គីសង្គ្រោះជាតិកម្ពុជា០២ធ្នូ១៩៧៨-០២ធ្នូ២០១៤នៅស្រុកស្នួលខេត្តក្រចេះដែលបច្ចុប្បន្នមានឈ្មោះថា រណសិរ្សសាមគ្គីអភិវឌ្ឍន៍មាតុភូមិកម្ពុជា ។
ពិធីនេះបាននិងកំពុងប្រារព្ឋធ្វើនៅ សាលសន្និសីទចតុមុខ ក្រោមអធិបតីភាពសម្តេចអគ្គមហាពញាចក្រី ហេង សំរិន ប្រធានក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា និងជាប្រធានកិត្តិយសគណបក្សប្រជាជនកម្ពុជា ។
គួរបញ្ជាក់ដែរថា កាលពី៣៦ឆ្នាំមុន ពោលគឺនៅថ្ងៃ០២ ធ្នូ ១៩៧៨ ដែលកងកម្លាំងតស៊ូដឹកនាំសម្តេច ហេង សំរិន, សម្តេច ជា ស៊ីម សម្តេចតេជោ ហ៊ុន សែន និងថ្នាក់ដឹកនាំមួយចំនួនទៀត រួមនឹងកងកម្លាំងស្ម័គ្រចិត្តរបស់ប្រជាជនវៀតណាម បានធ្វើការវាយផ្តួលរំលំរបបប្រល័យពូជសាសន៍ ប៉ុល ពត ទទួលបានជ័យជំនះនៅថ្ងៃទី០៧ មករា ១៩៧៩ និងនាំមកនូវសន្តិភាព ការបង្រួបបង្រួមជាតិ និង ការអភិវឌ្ឍមកដល់សព្វថ្ងៃ ៕
