បាញ់កាំជ្រួច អបអរសាទរ ពិធីឡើងគ្រងរាជ្យ សម្បត្តិ ផ្ទុះត្រូវអ្នកមើល ស្លាប់ម្នាក់ របួស ៤នាក់
សារព័ត៌មាន Cambodia News/
ភ្នំពេញ (៣០ តុលា ២០១៤) ៖កាលពីថ្ងៃទី២៩ ខែតុលា នៅវេលាម៉ោង ប្រមាណ ៧ និង៣០នាទីមានករណីគួរឲ្យភ្ញាក់ផ្អើលមួយ បានកើតឡើង ដែលបង្កឲ្យជនរងគ្រោះម្នាក់បានស្លាប់ និង៤នាក់ផ្សេងទៀតរបួសធ្ងន់។
ករណីនេះបង្កឡើង ដោយការផ្ទុះបំពង់កាំជ្រួច ដែលជាគ្រាប់ចុងក្រោយ ក្នុងព្រះរាជពិធីឡើងគ្រង់រាជសម្បតិ្តរបស់ព្រះ មហាក្សត្រ ស្ថិតនៅក្បែក្បាលជ្រោយ សង្កាត់ជ្រោយចង្វារ ។
ប្រភពព័ត៌មានបានឲ្យដឹងថា ក្រុមការងារ ដែលទទួលបន្ទុកបាញ់កាំជ្រួច បានធ្វើការបាញ់ដែលជាគ្រាប់ចុងក្រោយ តែគ្រាប់នោះបានផ្ទះបណ្តាលឲ្យរយះកាណុង បណ្តាលអ្នកមើលនៅជិតនោះម្នាក់ រយះជាពីស្ទើរដាច់ពីគ្នា បណ្តាលឲ្យស្លាប់ភ្លាម និងជនរងគ្រោះ៤នាក់ ក្នុងនោះស្រីម្នាក់ ប្រុស៣នាក់ ត្រូវបានគេបញ្ជូនទៅសង្គ្រោះនៅមន្ទីរពេទ្យ។
តាមការឲ្យដឹង សពដែលស្លាប់ ឈ្មោះ ណា គ្រី ដារ៉ូ អាយុ២២ឆ្នាំ ស្រុកកំណើត ឃុំ ឈើខ្មៅ ស្រុកកោះធំ ខេត្ត កណ្តាល រៀននៅ សកលវិទ្យាល័យស៊ីតិច៕
