អ្នកភូមិបុរីកីឡា ដង្ហែញត្តិសុំអន្តរាគមន៍បញ្ហាជម្លោះដីធ្លីនៅរដ្ឋសភា
សារព័ត៌មាន Cambodia News/
ភ្នំពេញ (០៨ កញ្ញា ២០១៤) ៖ នៅព្រឹកថ្ងៃទី០៨ កញ្ញានេះ ក្រុមប្រជាសហគមន៍បុរីកីឡា កំពុង ហែញត្តិទៅវិមានរដ្ឋសភា ដើម្បីដាក់ញត្តិស្នើសុំឲ្យរដ្ឋសភា ជួយអន្តរាគមន៍ដោះស្រាយបញ្ហា ជម្លោះដីធ្លី ជាមួយក្រុមហ៊ុន ផានអ៊ីម៉ិច ដែលអូសបន្លាយអស់រយៈពេលជាច្រើនឆ្នាំមកហើយនោះ។
បើតាមការបញ្ជាក់ពីតំណាងសហគមន៍បុរីកីឡា បានបញ្ជាក់ថា ការដាក់ញត្តិនេះ ដើម្បីទាមទារឲ្យក្រុមហ៊ុនផានអ៊ីម៉ិច សាងសង់អគារទី៩ និង១០ ដែលក្រុមហ៊ុននេះធ្លាប់បានសន្យាសាង់សង់ឲ្យ។
យ៉ាងណាក៏ដោយប្រជាពលរដ្ឋអះអាងថា បន្ទាប់ពីដាក់ញត្តិនៅរដ្ឋសភា ពួកគេនឹងបន្តដាក់ញត្តិនៅតាមស្ថាប័នរដ្ឋមួយចំនួនផ្សេងៗទៀត លុះត្រាតែមានដំណោះស្រាយ៕
