ជាង ១០០នាក់ស្លាប់ដោយសារទឹកជំនន់នៅឥណ្ឌា
សាតព័ត៌មាន Cambodia News/
ឥណ្ឌា (១៩ សីហា ២០១៤) ៖ បើតាមការបញ្ជាក់ពីមន្ដ្រីអាជ្ញាធរឥណ្ឌាកាលពីថ្ងៃទី១៨សីហាបានឱ្យដឹងថា មកទល់ពេលនេះចំនួនអ្នកស្លាប់ដោយសារទឹកជំនន់មានជាង១០០នាក់ហើយ។ ឥទ្ធិពលទឹកជំនន់ដ៏ខ្លាំងក្លានេះ បានវាយប្រហារទៅលើភូមិជាង១,៥០០ ជាហេតុធ្វើឱ្យរដ្ឋាភិបាលប្រកាសពីគ្រោះថ្នាក់ដែលមិនអាចដឹងមុនបាន។
ក្រៅពីប៉ះពាល់ដល់ភូមិយ៉ាងច្រើនហើយ វាបានប៉ះពាល់ដល់ប្រជាជនប្រមាណ៤សែននាក់ផងដែរ នៅភាគខាងកើតនៃរដ្ឋBihar។ គួរបញ្ជាក់ថា ដោយសារតែស្ថានភាពធ្ងន់ធ្ងរ រដ្ឋាភិបាលឥណ្ឌាក៏បានបញ្ជាឱ្យក្រុមជួយសង្គ្រោះជាច្រើននាក់ ចុះទៅអន្ដរាគមន៍នៅតំបន់កើតហេតុ ដើម្បីជួយសង្គ្រោះប្រជាជន៕
