រដ្ឋសភាប្រកាស ទទួលស្គាល់ លោក សម រង្ស៊ី ជាសមាជិករដ្ឋសភា នីតិកាលទី៥
សារព័ត៌មាន Cambodia News/
ភ្នំពេញ (២៨ កក្កដា ២០១៤) ៖ នាព្រឹក ថ្ងៃទី២៨ ខែកក្កដា នេះ រដ្ឋសភា បានបើកកិច្ចប្រជុំពេញអង្គ របស់ខ្លួន ដើម្បីប្រកាសសុពលភាព នៃអាណត្តិ របស់លោក សម រង្ស៊ី ជាសមាជិករដ្ឋសភានីតិកាលទី៥។
ក្រោយមិច្ចប្រជុំ លោក សម រង្ស៊ី ប្រធានគណបក្សសង្រ្គោះជាតិ បានក្លាយជាសមាជិក រដ្ឋសភានីតិកាលទី៥ មុនសមាជិក សមាជិការបស់ខ្លួន ៥៤រូបផ្សេងទៀត បន្ទាប់ពីសមាជិកសភា មកពីគណបក្សប្រជាជនកម្ពុជា បានបោះឆ្នោតទទួល ស្គាល់ជាឯកច្ឆន្ទ នាព្រឹក ថ្ងៃទី២៨ ខែកក្កដា នេះ ។
សូមបញ្ជាក់ថា លោក សម រង្ស៊ី កាលពីឆ្នាំ២០១៣កន្លងទៅ ត្រូវបានគណៈកម្មាធិការជាតិ រៀបចំការបោះឆ្នោត (គ .ជ.ប)លុបឈ្មោះ ចេញពីបញ្ជីបោះឆ្នោត ដោយសារតែរូបលោក មានពិរុទ្ធក្រោមបទចោទ ដកបង្គោលតម្រុយព្រំដែន និង ផ្សព្វផ្សាយឯកសារមិនពិត៕
