ក្រុមហ៊ុនទូរស័ព្ទ ផ្ដើមអនុវត្តយកថ្លៃ ហៅ តាមការកំណត់របស់ក្រសួង
ភ្នំពេញ៖ ដើម្បីតម្លាភាព និងយុត្តិធម៌ ក្នុងការប្រកួតប្រជែងនៅក្នុងទីផ្សារ ទូរគមនាគមន៏ ក្រុមហ៊ុនទូរស័ព្ទទាំងអស់ ត្រូវបានបង្គាប់ឲ្យអនុវត្តន៏ការយកតម្លៃហៅ តាមការកំណត់របស់ក្រសួង ចាប់ពីថ្ងៃទី ៤ ខែ ធ្នូ ឆ្នាំ ២០១៣ នេះ ។
យោងតាម សេចក្ដីប្រកាសព័ត៌មានមួយ របស់ក្រុមហ៊ុនទូរស័ព្ទ ស្មាត (Smart) ឲ្យដឹងថា ក្រុមហ៊ុន នឹងផ្លាស់ប្តូរកម្មវិធីហៅទូរស័ព្ទមួយចំនួន ដោយ នឹងយកតម្លៃ ហៅចេញក្នុងប្រព័ន្ធ ៤.៥សេន/១នាទី ចាប់ពីថ្ងៃទី០៤ ខែ ធ្នូ តាមសេចក្តីជូនដំណឹង របស់ក្រសួងប្រៃសណីយ៍ និងទូរគមនាគមន៍។
សេច ក្ដីប្រកាសព័ត៌មាននេះ បានធ្វើឡើង ដោយយោងទៅលើសេចក្ដីសម្រេចមួយ កាលពីថ្ងៃទី ២១ ខែវិច្ឆិកា របស់ទីស្តីការគណៈរដ្ឋមន្រី្ត ដែលតម្រូវដាក់ ឲ្យដំណើរការ នូវសេចក្តីប្រកាសអន្តរក្រសួងលេខ ២៣២ រវាងក្រសួងប្រៃសណីយ៍ និងទូរគមនាគមន៍កម្ពុជា និង ក្រសួងសេដ្ឋកិច្ច និង ហិរញ្ញវត្ថុ ។
យ៉ាងណាកដោយ មជ្ឈដ្ឋានជាច្រើនបានលើកឡើងថា សេចក្ដីសម្រេចរបស់ទីស្ដីការគណៈរដ្ឋមន្ត្រីនោះ ខុសផ្ទុយទាំងស្រុង ពីរបៀបរបបទីផ្សារសេរី ដែលតម្រូវឲ្យក្រុមហ៊ុន ធ្វើអាជីវកម្ម ត្រូវតែប្រកួតប្រជែង ដើម្បីទទួលបានការគាំទ្រ ពីអតិថិជន ៕ នាង/ Cambodia News