ក្មេងស្រីម្នាក់ថៃត្រូវបុគ្គលិស្ថានីយ៍រថភ្លើងរំលោភហើយសម្លាប់
សារព័ត៌មាន Cambodia News/
ថៃ (១០ កក្កដា ២០១៤) ៖ បុគ្គលិកថ្មីម្នាក់នៃស្ថានីយ៍រថភ្លើងថៃ(SRT) បានអះអាងថាគាត់បានស្រវឹងស្រានៅពេលដែលគាត់បានចាប់រំលោភក្មេងស្រីអ្នកធ្វើដំណើរម្នាក់ អាយុ១៣ឆ្នាំហើយបានសម្លាប់នាងនៅលើរថភ្លើងនេះដែលបានកំពុងធ្វើដំណើរទៅកាន់ទីក្រុងបាងកកកាលពីថ្ងៃអាទិត្យ។
ប្រភពព័ត៌មានពីប៉ូលិសនេះ បាននិយាយថា ជនល្មើសឈ្មោះ Wanchai Saengkhao អាយុ២២ឆ្នាំ បានសារភាពចំពោះអំពើឧក្រិដ្ឋនេះកាលពីថ្ងៃចន្ទ។
ក្មេងស្រីដែលជាជនរងគ្រោះនេះ ឈ្មោះ Kaemបានធ្វើដំណើរតាមរថភ្លើងនេះជាមួយបងប្អូនស្រី២នាក់របស់នាងនិងមិត្តប្រុសម្នាក់របស់នាងផងដែរ។ ពួកអ្នករួមដំណើរជាមួយនាងបានដេកលក់នៅលើរថភ្លើងនេះអស់រយៈពេលជាច្រើនម៉ោងកាលពីថ្ងៃអាទិត្យហើយនៅពេលដែលពួកគេបានភ្ញាក់ពីដេកនោះពួកគេមិនបានឃើញនាងនោះទេ។
ក្រុមគ្រួសាររបស់នាងបានដាក់ពាក្យប្តឹងទៅប៉ូលិសដែលបានហៅបុគ្គលិករថភ្លើងទាំងអស់មកសួរនាំអំពីករណីនេះ។
ក្រុមបុគ្គលិកសង្គ្រោះបានរកឃើញសាកសពនាងដោយគ្មានសម្លៀកបំពាក់នៅតំបន់ព្រៃមួយនៅជិតស្ថានីយ៍រថភ្លើងនេះនៅស្រុកPran Buri ក្នុងខេត្ត Prachuap Khiri Khan កាលពីថ្ងៃអង្គារ៕
