ខេមរៈ សិរីមន្ត ចាប់អារម្មណ៍រថយន្តទំនើបម៉ាក Rolls Royce
សារព័ត៌មាន Cambodia News/
ភ្នំពេញ(០៧ កក្កដា ២០១៤) ៖ ជាតារាចម្រៀងកំពុងទទួលបានការគាំទ្រខ្លាំងពីសំណាក់ទស្សនិកជនជាពិសេស ក្រុមយុវវ័យលោកខេមរៈសិរីមន្តបានសម្តែងនូវការចាប់អារម្មណ៍ខ្ពស់ ចំពោះប្រភេទរថយន្តទំនើបម៉ាករ៉ូលរ៉យ(RollsRoyce)ដែលទើបបង្ហាញ វត្តមាននៅលើទីផ្សារប្រទេសកម្ពុជា ។
លោក ខេមរៈ សិរីមន្ត បានលើកឡើងថា ខ្លួនពិតជាមានចំណាប់អារម្មណ៍ និងចូលចិត្តទៅលើប្រភេទរថយន្តទំនើបម៉ាក រ៉ូលរ៉យ ( Rolls Royce ) ខ្លាំងណាស់ ព្រោះវាមើលទៅថ្លៃថ្នូរ ។
យ៉ាងណាក៏ដោយ តារាចម្រៀងក្នុងដួងចិត្តយុវវ័យរូបនេះបានអះអាងថា ថ្វីត្បិតលោកចូលចិត្ត និងចាប់អារម្មណ៍ខ្លាំងចំពោះប្រភេទរថយន្តទំនើបម៉ាក រ៉ូលរ៉យ ( Rolls Royce ) ដែលទើបបង្ហាញវត្តមាននៅលើទីផ្សារប្រទេសកម្ពុជាមែន ប៉ុន្តែលោកគ្មានសមត្ថភាពនិងធ្វើការដោះដូររថយន្តចាស់ផ្លាស់យក រថយន្តទំនើបតម្លៃខ្ទង់លានដុល្លារនេះឡើយ ។
បើតាម ការបញ្ជាក់របស់លោក ខេមរៈ សិរីមន្ត បច្ចុប្បន្នលោកមានរថយន្តទំនើបផ្ទាល់ខ្លួនចំនួន៣គ្រឿងក្នុងនោះមាន រថយន្តម៉ាកលុចស៊ីស ៣៣០ មួយគ្រឿង , កូរូឡាអាត់ទីស និងលុចស៊ីស ៥៧០ មួយគ្រឿងដែលមានតម្លៃជាង១០ម៉ឺនដុល្លារ ៕
