យោធាថៃ ស្វាគមន៍ ដំណើរទស្សនកិច្ច របស់អគ្គ មេបញ្ជាការ កងទ័ពមីយ៉ាន់ម៉ា មកកាន់ប្រទេសថៃ
សារព័ត៌មាន Cambodia News/
បាងកក ( ០៤ កក្កដា ២០១៤) ៖ ៖ មេទ័ពកំពូលមីយ៉ាន់ម៉ា ទស្សនកិច្ច ជាផ្លូវការមក កាន់ប្រទេសថៃ ក្នុងគោលបំណង រឹងបន្តឹង ចំណង មិត្តភាព ផ្នែកយោធា រវាងថៃ-មីយ៉ាន់ម៉ា ។
យោងតាមគេហទំព័រ INN របស់ថៃ នៅថ្ងៃ សុក្រ ទី ៤ ខែ កក្កដា ឆ្នាំ ២០១៤ នេះបានចុះផ្សាយឲ្យដឹងថា ឧត្តមសេនីយ៍ឯក ថាណាសក្តិ បដិម៉ាប្រាកន អគ្គមេបញ្ជាការកងទ័ពថៃ បានសម្តែងការស្វាគមន៍ យ៉ាង កក់ក្តៅចំពោះ ឧត្តមសេនីយ៍ឯក Min Aung Hlaing អគ្គមេបញ្ជាការកងទ័ពមីយ៉ាន់ម៉ា ក្នុងដំណើរ ទស្សនកិច្ចជាផ្លូវការមកកាន់ប្រទេសថៃ នាអំឡុងថ្ងៃទី ៣-៥ ខែ កក្កដា នេះ ។
ក្នុងឱកាសនេះដែរ មេទ័ព កំពូលមីយ៉ាន់ម៉ា បានចូលរួមពិធី ត្រួតពល រួមទាំងពិភាក្សាការងារមួយចំនួន ជាមួយ មេទ័ពកំពូល ថៃផងដែរ។
លោក ថាណាសក្តិ បានបញ្ជាក់ថា ដំណើរទស្សនកិច្ចលើកនេះ គឺជារឹតបន្តឹងចំណងមិត្តភាពរវាងយោធា និង មីយ៉ាន់ម៉ា ឲ្យកាន់តែមានភាពស្និតស្នាលឡើង។លើសពីនេះ មេទ័ពកំពូលមីយ៉ាន់ម៉ា នឹងជួបចូល ពិភាក្សាការងារផ្ទៃក្នុងជាមួយ លោក ព្រេម ទីណាសុឡានុន ប្រធានទីប្រឹក្សាព្រះបររាជវាំង និង ជាព្រឹទ្ធ បុរស រួមទាំង ឧត្តមសេនីយ៍ឯក ប្រាយុទ្ធ ចាន់អូឆា ប្រធានគណៈរក្សាសន្តិសុខជាតិ (មេដឹកនាំរដ្ឋប្រហារ) តាមលំដាប់លំដោយ ៕
