ការហឺតខ្យល់ពុលប្រឈមនឹងហានិភ័យខ្ពស់នៃការគាំងបេះដូង
សារព័ត៌មាន Cambodia News/
សុខភាព(១០ មិនា ២០១៤)៖ ការស្រាវជ្រាវថ្មីមួយបានបង្ហាញថា ការប៉ះពាល់រយៈពេលយូរនៃការហឺតខ្យល់ពុលបានបង្កើនហានិភ័យនៃការ គាំងបេះដូង និងជំងឺស្ទះសរសៃឈាមបេះដូង ដែលធ្វើអោយមានការឈឺទ្រូងគួបផ្សំជាមួយនឹងជំងឺបេះដូង។
អ្នកស្រាវជ្រាវ បានវិភាគលើមនុស្សជាង១០០.០០០នាក់នៅក្នុងអឺរ៉ុបដែល មិនមានប្រវត្តិនៃជំងឺបេះដូងនោះទេ ហើយត្រូវបានតាមដានអស់រយៈពេលជាមធ្យម១១,៥ឆ្នាំ។ អំឡុងពេលនៃការតាមដាន, អ្នកចូលរួមជាង៥.១០០នាក់មានបញ្ហានៃសរសៃឈាមបេះដូងដូចជា ការគាំងបេះដូង ឬការឈឺទ្រូង។
ក្រោយ ពីមើលពីកត្តាហានិភ័យទូទៅដូចជា ការជក់បារី និងបញ្ហាសុខភាពដទៃទៀត, អ្នកស្រាវជ្រាវបានសរុបថា កម្ទេចកម្ទីតូចៗត្រូវបានផ្សារភ្ជាប់ទៅនឹងការកើនឡើងហានិភ័យនៃជំងឺ សរសៃឈាមបេះដូងនោះ។
អ្នកស្រាវជ្រាវបានគាំទ្រអោយមានការបន្ថយ ចំនួនមេរោគនៅក្នុង ខ្យល់ពុលអោយបានទាបដើម្បីការពារសុខភាពសាធារណៈ។ វាត្រូវបានគេជឿជាក់ថា ខ្យល់ពុលបណ្តាលអោយមនុស្ស៣,២លាននាក់បានស្លាប់នៅក្នុងពិភពលោក ក្នុងមួយឆ្នាំៗ៕
