ពលរដ្ឋថៃភាគច្រើនគាំទ្រការដឹកនាំរបស់រដ្ឋាភិបាលយោធា
សារព័ត៌មាន Cambodia News/
ថៃ (២៣ មិថុនា ២០១៤) ៖ (លទ្ធផលស្ទាបស្ទង់មតិបានបង្ហាញឱ្យឃើញ ថា ពលរដ្ឋថៃភាគច្រើនគាំទ្រពី សកម្មភាពដឹកនាំរបស់រដ្ឋាភិបាលយោធាក្រោយពេលធ្វើរដ្ឋប្រហារយកអំណាច មកគ្រប់គ្រងកាលពីថ្ងៃទី២២ឧសភា ដោយសារតែការចរចារទាំងប៉ុន្មានរបស់ រដ្ឋាភិបាលលោកស្រី យីងឡាក់ និងក្រុម ប្រឆាំងលោកស៊ូថេប មិនមានលទ្ធផល ទុកឱ្យប្រទេសជាតិស្ថិតក្នុងភាពវឹកវរ ។
លទ្ធផលស្ទាបស្ទង់មតិដែលធ្វើឡើង ដោយអង្គការ Suan Dusit Poll ចាប់ ផ្ដើមនៅថ្ងៃទី១៧ រហូតដល់ថ្ងៃទី២១ មិថុនា បង្ហាញឱ្យឃើញថា ក្នុងចំណោម ពលរដ្ឋ១០០នាក់ មានការគាំទ្ររដ្ឋាភិ បាលយោធារហូតដល់៨៨នាក់ ទៅលើ សកម្មភាពដឹកនាំរបស់រដ្ឋាភិបាលយោធា រយៈពេលជាង១ខែកន្លងមក ។
ពលរដ្ឋ យល់ឃើញថា ប្រទេសជាតិទទួលបាន សន្ដិភាព និងស្ថិរភាព មិនមានហិង្សា ទៀតឡើយ ចាប់តាំងពីយោធាឡើងកាន់ អំណាច ។ ភាគច្រើនពលរដ្ឋដែលបាន សួរពីចំណាប់អារម្មណ៍ក្នុងការដឹកនាំរបស់ រដ្ឋាភិបាលយោធាពួកគាត់បានបញ្ជាក់ ថា រដ្ឋាភិបាលយោធាបានខិតខំដោះ ស្រាយបញ្ហាសំខាន់ៗដូចជា ការទូទាត់ ប្រាក់បំណុលដល់ប្រជាកសិករ និងកាត់ បន្ថយតម្លៃសេវាកម្មសាធារណៈ ។ ពល រដ្ឋថៃរហូតដល់៦៥ភាគរយចង់ឱ្យរដ្ឋាភិ បាលយោធាដឹកនាំរហូតដល់ប្រទេសជាតិ មានសុខសន្ដិភាពពេញលេញ៕
