សម្តេចក្រុមព្រះ បើកសម្ពោធ ទីស្នាក់ការគណបក្សសង្គម រាស្រ្តរាជាធិបតេយ្យ
សារព័ត៌មាន Cambodia News/
ភ្នំពេញ (០៦ មិថុនា ២០១៤) ៖ នៅព្រឹកថ្ងៃទី០៦ ខែមិថុនា នេះ សម្តេចក្រុមព្រះ នរោត្តម រណឬទ្ធិ ជាព្រះប្រធាននិងជាស្ថាបនិក គណបក្ស សង្គមរាស្រ្តរាជាធិបតេយ្យ ទ្រង់បានបើកសម្ពោធ ទីស្នាក់កណ្តាលគណបក្សថ្មី ដែលមានទីតាំងស្ថិតនៅ ភូមិ២ សង្កាត់ជ្រោយចង្វា ខណ្ឌឬស្សីកែវ រាជធានីភ្នំពេញ។
ការបើកសម្ពោធនៅពេលនេះ ធ្វើឡើងបន្ទាប់ពីក្រសួងមហាផ្ទៃបានចុះបញ្ជីទទួលស្គាល់គណបក្សសង្គមរាស្រ្តរាជាធិបតេយ្យ ជាផ្លូវការកាលពីខែឧសភាកន្លងមកនេះ។
ក្នុងឱកាសបើកសម្ពោធទីស្នាក់ការថ្មីនេះ ព្រះអង្គ បានព្រះរាជបន្ទូលថា ការយាងចូលបម្រើឆាកនយោបាយ ព្រះអង្គ នឹង ធ្វើការកៀងគរអ្នករាជានិយមទាំងអស់ មករួបរួមជាមួយព្រះអង្គ ដើម្បី លើកស្ទួយកិត្យានុភាពជាតិ ក៏ដូចជារបបរាជា និយមនៅកម្ពុជា។
គួររំលឹកថា ព្រះអង្គម្ចាស់នរោត្តម រណឬទ្ធិ អតីតជាព្រះប្រធានគណបក្សហ្វ៊ុនស៊ិនប៉ិច ជានាយករដ្ឋមន្ត្រីទី១ ក្នុង អាណត្តិទី១ ហើយក្រោយមកព្រះអង្គត្រូវបានដក ហូតតំណែងពីប្រធាន គណបក្សហ្វ៊ុនស៊ិនប៉ិច ព្រោះរឿងអាស្រូវ និងជម្លោះផ្ទៃក្នុងបក្ស ព្រះអង្គ ក៏សម្រេចព្រះទ័យទៅបង្កើតបក្សថ្មីមួយ ទៀតដាក់ឈ្មោះថា គណបក្ស នរោត្តម រណឬទ្ធិ។
ព្រះអង្គបានប្រកាសយាងចេញពីឆាកនយោបាយនៅអំឡុងឆ្នាំ២០១២ ដោយយាងទៅទទួលតំណែងជាព្រះ ប្រធានឧត្តម ក្រុមប្រឹក្សាព្រះមហាក្សត្រ។ ក្រោយការបោះឆ្នោតជ្រើសតាំងតំណាងរាស្រ្តអាណត្តិទី៥ ពោលកាលពីដើមខែមីនា ឆ្នាំ២០១៤ ៕