អគ្គមេបញ្ជាការយោធាថៃ ប្រកាសរដ្ឋប្រហារយោធា
សារព័ត៌មាន Cambodia News/
ថៃ (២៣ ឧសភា ២០១៤) ៖ កាលពីថ្ងៃទី២២ ខែឧសភា ម្សិលមិញ អគ្គមេបញ្ជាការយោធាថៃ លោក Prayut Chan-O-Cha បានប្រកាសធ្វើរដ្ឋប្រហារយោធាក្នុងប្រទេសថៃ បន្ទាប់ពីប្រទេសមួយនេះ ស្ថិតនៅក្រោមច្បាប់អាជ្ញាសឹក។
យោងតាមសារព័ត៌មានBBC បានឲ្យដឹងថា ការប្រកាសធ្វើរដ្ឋប្រហារយោធានេះ ធ្វើឡើង២ថ្ងៃបន្ទាប់ពីលោក Prayut Chan-O-Cha កាលពីថ្ងៃអង្គារ ប្រកាសថា ប្រទេសថៃ ប្រទេសថៃ សម្រេចដាក់ឲ្យច្បាប់អាជ្ញាសឹក ដោយធ្វើឡើងក្នុងគោលបំណងគ្រប់គ្រងសន្តិសុខជាតិ ហើយសិទ្ធិសេរីភាពនៃការប្រមូលផ្តុំតវ៉ាផ្សេងៗត្រូវព្យួរមួយរយៈ។
ការធ្វើរដ្ឋប្រហារនេះ ធ្វើឡើងបន្ទាប់ពីចលាចលនៅនយោបាយថៃ បានអូសបន្លាយជាច្រើនខែ។ ចលាចលក្នុងប្រទេសថៃ បានចាប់ផ្តើមនៅក្នុងទីក្រុងបាងកកកាលពីចុងឆ្នាំ២០១៣ នៅពេលអតីតនាយករដ្ឋមន្ត្រីថៃលោកស្រី យីងឡាក់ បានរំលាយសភា៕