ព្រះកាយច័ន្ទ ឈប់ជិះម៉ូតូ ឡើងកូដជិះរថយន្ត
សារព័ត៌មាន Cambodia News/
ភ្នំពេញ (១៩ ឧសភា ២០១៤) ៖ រយៈពេលប៉ុន្មានសប្តាហ៍មកនេះ តារាសម្តែងរាងខ្ពស់ស្រឡះ និងជាពិធីការិនីវ័យក្មេងនាងព្រះកាយច័ន្ទ ឈប់ជិះម៉ូតូទៅណាមកណាបែបកម្សត់ជាមួយឪពុក ដោយសារតែនាងមានរថយន្តនឹងគេហើយ ។
ព្រះកាយច័ន្ទ កាលពីមិនទាន់មានរថយន្តលំបាកណាស់ ពេលទៅសម្តែងឆ្ងាយ និងយប់ព្រលប់ ត្រូវឪពុកឌុបតាមម៉ូតូ ។ ពេលខ្លះទាំងឪពុក និងកូនស្រីស្រស់សោភារូបនេះ ដោយសារខ្លាចជិះម៉ូតូជួបជនពាលធ្វើបាប ពេលថតចប់យប់ជ្រៅក៏ដាច់ចិត្តសុំព្រះសង្ឃសម្រាកក្នុងវត្ត ។ 
តាម រយៈការប្រឹង ប្រែង ព្រះកាយច័ន្ទ ទិញរថយន្តបានហើយ ដូច្នេះឈប់ប្រើប្រាស់ម៉ូតូទៅណាមកណាដោយឱ្យឪពុកឌុបដូចមុនទៀត ហើយ ។ អ្នកសិល្បៈមួយចំនួនអះអាងថា ព្រះកាយច័ន្ទ ដែលកាន់តែមានភាពល្បីល្បាញក្នុងទំព័រសិល្បៈ អត់ហ៊ានប្រាប់គេឯងពីរឿងទិញរថយន្តថ្មីជិះទេ។
ការអត់ហ៊ាន ប្រាប់គេឯងពីរឿងទិញរថយន្តថ្មីនេះ ដោយសារតែជាប្រភេទកូនរថយន្តតូចមួយ មិនមែនជារថយន្តស៊េរីទំនើបតម្លៃកប់ពពករាប់ម៉ឺនដុល្លារឡើយ ដោយ រថយន្តនេះមានតម្លៃត្រឹមតែ៣ទៅ៤ពាន់ដុល្លារ សម្រាប់ដឹកអីវ៉ាន់ និងសម្លៀកបំពាក់ ពេលចេញទៅសម្តែង ៕
