ប្រជាពលរដ្ឋចិន ភៀសខ្លួនពីវៀតណាម សម្រុកចូលមកកម្ពុជា
សារព័ត៌មាន Cambodia News/
ភ្នំពេញ (១៥ ឧសភា ២០១៤) ៖ សេចក្តីរាយការណ៍ កាលពីព្រឹកថ្ងៃទី១៤ ខែឧសភា ឆ្នាំ២០១៤ បានឲ្យដឹងថា ប្រជាពលរដ្ឋជនជាតិចិនជាច្រើន រួមទាំងអ្នកទេសចរ បានសម្រុក ចាកចេញ ពីប្រទេសវៀតណាម មកកាន់ប្រទេសកម្ពុជា តាមច្រកព្រំដែន អន្តរជាតិបាវិត។
ការសម្រុកចាកចេញ ពីវៀតណាម មកកាន់កម្ពុជា របស់ពលរដ្ឋជនជាតិចិន ដោយសារតែព្រួយបារម្ភ ពីសុវត្ថិភាពផ្ទាល់ខ្លួន ខណៈប្រជាពលរដ្ឋវៀតណាម បាន ធ្វើបាតុកម្មប្រឆាំងតវ៉ា ទៅនឹងរដ្ឋាភិបាលក្រុងប៉េ កាំង ពាក់ព័ន្ធរឿងដែនសមុទ្រ។
ប្រភពបានឲ្យដឹងថា នៅក្នុងការធ្វើបាតុកម្ម ប្រឆាំងរដ្ឋាភិបាលចិននោះ ប្រជាពលរដ្ឋវៀតណាម បានវាយបំផ្លិចបំផ្លាញរោងចក្រចំនួន៣ ដែលជាវិនិយោគរបស់ចិន នៅខេត្ដដុងណាយ។បន្ទាប់ពីមានការវាយបំផ្លិចបំផ្លាញរោងចក្រ ក្រុមអ្នកវិនិយោគចិន។
សូមបញ្ជាក់ថា កាលពីរសៀលថ្ងៃអង្គារ ទី១៣ ខែឧសភា កម្មករវៀតណាមរាប់ពាន់នាក់ បានដើរតាមផ្លូវខាងមុខរោងចក្រ ហើយក្រុមខ្លះ បានវាយប្រហារ ទៅលើសន្តិសុខរោងចក្រមុននឹងពួកគេដុតសម្ភារៈរបស់រោងចក្រ ដែលយ៉ាងតិចចំនួន១៥ រោងចក្រ៕
