កងទ័ពថៃ បដិសេធ ពីការប្រមូលផ្តុំកម្លាំង ធ្វើរដ្ឋប្រហារ
សារព័ត៌មាន Cambodia News/
ថៃ (១២ ឧសភា ២០១៤) ៖ អ្នកនាំពាក្យកងទ័ពថៃ បានអះអាងថា គ្មានការប្រមូលផ្តុំកម្លាំងប្រដាប់អាវុធ ត្រៀមធ្វើរដ្ឋប្រហារ ខណៈដែលប្រជាពលរដ្ឋថៃ មានការភ្ញាក់ផ្អើល ចំពោះ ព័ត៌មានចចាមអារ៉ាម។
យោងតាមគេហទំព័រ INN របស់ថៃ នៅថ្ងៃ ចន្ទ ទី ១២ ខែ ឧសភា ឆ្នាំ ២០១៤ នេះ បានចុះផ្សាយឲ្យដឹងថា ឧត្តមសេនីយ៍ វិនថៃ សុវ៉ារី អ្នកនាំពាក្យកងទ័ពជើងគោកថៃ បានថ្លែងថា បន្ទាប់ពីមានព័ត៌មានលេចឮ ថា កងទ័ពថៃប្រមូលផ្តុំកម្លាំង និង យុទ្ធាបករណ៍ ទូទាំងប្រទេស ត្រៀមធ្វើរដ្ឋប្រហារ ធ្វើឲ្យប្រជាពលរដ្ឋមានភ្ញាក់ផ្អើល និង ព្រួយបារម្ភ ពីការកើតសង្គ្រាមស៊ីវិល ដូច្នេះ ក្នុងនាមកងទ័ពថៃ បដិសេធយ៉ាងដាច់ខាត ចំពោះព័ត៌មានចចាមអារ៉ាម ព្រោះកងទ័ព ជាស្ថាប័នអព្យាក្រឹត ការពារផល ប្រយោជន៍ជាតិ និង ប្រជាជន។
លោក វិនថៃ បានបញ្ជាក់ថា ប្រជាពលរដ្ឋ ត្រូវមានការប្រុងប្រយ័ត្ន ចំពោះការទទួលនូវព័ត៌មាន តាមប្រព័ន្ធ Network Online និង ពិចារណាឲ្យបានច្បាស់លាស់ មុននឹងជឿទុកចិត្ត ដោយយោធាអះអាងថា អ្វីដែលខុសច្បាប់ ផ្ទុយពីឧត្តមគតិកងទ័ព មិនអាចចូលរួមបាននោះឡើយ ព្រោះយោធាជាទីពឹងរបស់ប្រជាជនថៃ តែមួយគត់៕
