ធនាគារជាតិនៃកម្ពុជាចេញផ្សាយក្រដាសប្រាក់ប្រភេទ ៥០០០០ថ្មី
សារព័ត៌មាន Cambodia News/
ភ្នំពេញ (០៧ ឧសភា ២០១៤) ៖ លោក ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យធនាគារជាតិនៃកម្ពុជា បោះផ្សាយទន្ទឹមគ្នានឹងធនប័ត្រផ្សេងទៀត និងដាក់ឱ្យចរាចរធនប័ត្រគំរូថ្មីប្រភេទ៥០០០០រៀល ជាផ្លូវការក្នុងព្រះរាជាណាចក្រកម្ពុជា ចាប់ពីថ្ងៃទី៦ ឧសភា នេះតទៅ ។
តាមសេចក្តីប្រកាសព័ត៌មានរបស់ធនាគារជាតិនៃកម្ពុជា ថ្ងៃទី៦ ឧសភា ឱ្យដឹងថា អនុលោមតាមអនុក្រឹត្យលេខ១៧៥ អនក្រ.បក របស់រាជរដ្ឋាភិបាល ចុះថ្ងៃទី៥ ឧសភា ២០១៤ ស្តីពីការចេញផ្សាយធនប័ត្រប្រភេទ ៥០០០០រៀលគំរូថ្មី។
ការចេញផ្សាយធនប័ត្រប្រភេទ ៥០០០០រៀលគំរូថ្មី នេះ ដើម្បីចូលរួមអបអរសាទរព្រះរាជពិធីបុណ្យចម្រើនព្រះជន្មព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្នុងគម្រប់ព្រះជន្មាយុ៦១ យាងចូល៦២ ព្រះវស្សា ដែលនឹងប្រព្រឹត្តទៅនៅថ្ងៃទី១៣-១៤-១៥ ឧសភា ខាងមុខនេះ៕
